RUJUVATU

ನನ್ನೊಳಗಿನ ನನ್ನತನವು ಮಣ್ಣಾಗಿ ಹೋಗಿರಲು

2010-01-12T22:59:00.001-08:00

ನನ್ನೊಳಗಿನ ನನ್ನತನವು ಮಣ್ಣಾಗಿ ಹೋಗಿರಲು
ಹ್ಯಾಗೆ ನಾನು ಬೆಳೆದೇನು ? ಹ್ಯಾಗೆ ನಾನು ಹೊಳೆದೇನು?

ನನ್ನ ಬೇಕು ಬೇಡು ಎಲ್ಲ ನನಗೆ ತಿಳಿಯದಾದರೆ
ಯಾರನೇನು ಕೇಳೇನು ? ಯಾರಿಗೇನು ಹೇಳೇನು ?

ನನ್ನ ಆತ್ಮಶಕ್ತಿ ಅರಿವು ನನಗೆ ತಿಳಿಯದಾದಮೇಲೆ
ಹೇಗೆ ನಾ ಗುಡುಗುವುದು? ಎಲ್ಲಿ ನಾ ಮಿಂಚುವುದು ?

ಹುಲಿಯು ತಾ ಬೆಕ್ಕೆಂದು ಬೆಚ್ಚಗೆ ಮಲಗಿರಲು
ಹೇಗೆ ತಾನೇ ಘರ್ಜಿಸುವುದು ? ತಮವ ಹೇಗೆ ವರ್ಜಿಸುವುದು ?

ಕಲ್ಲು ಕಟ್ಟಿ ನೀರಿಗೆಸದ ಹೆಣದ ಹಾಗೇ ಬಿದ್ದಿರಲು
ಚೈತನ್ಯದ ಚಿಲುಮೆ ಹೇಗೆ ತಾನು ಮೂಡೀತು ?

ನನ್ನ ನಾನು ಅರಿಯದೇ ಕಲ್ಲಿನಂದದಿ ಮಲಗಿರಲು
ಹೇಗೆ ತಾನೇ ಎದ್ದೇನು ? ಎದೆ ಸೆಟೆದು ನಿಂತೇನು ?

ನನ್ನ ಹಸಿವು ,ನನ್ನ ಬಯಕೆ ,ನನ್ನ ಆಸೆ ,ನನ್ನ ಭಾಷೆ
ನನ್ನ ಒಡಲ ವೀಣೆ ರಾಗ ನನಗೆ ತಿಳಿಯದಾದರೆ

ಹೇಗೆ ತಾನೇ ಬದುಕೇನು ? ಎಲ್ಲಿ ತಾನೇ ಸುಳಿದೇನು ?
ಯಾವ ರಾಗ ನುಡಿಸೇನು ? ಯಾವ ಭಾವ ಬೆಳೆಸೇನು ?

ನನ್ನ ನಾನು ಅರಿಯುದಕಿಂತ ಬೇರೇ ಧರ್ಮ ಬೇಕೇನು ?
ನನ್ನ ನಾನು ಅರಿತರೆನೇ ದೇವರನ್ನ ತಿಳಿದೇನು .

ನನ್ನ ಧರ್ಮ ನನ್ನ ವರ್ಣ ನನಗೆ ಕುಶಲವೆಂದಿಗೂ
ಬೇರೇ ಧರ್ಮ, ಬೇರೇ ವರ್ಣ, ಭಯದ ವಿನಾ ಮತ್ತೇನು ?

ನಾನು ನಾನೇ ಆಗಬೇಕು ಇನ್ನೊಬ್ಬ ನಾಗಲಾರೆ
ಇನ್ನೊಬ್ಬ ನಾಗಿ ನಾನು ನನ್ನತನವ ಮರೆಯಲಾರೆ .

ನನ್ನ ಬದುಕು ನನಗಿರಲಿ , ತನ್ನ ತನವು ನನ್ನಲಿರಲಿ
ನಾನು ನಾನಾಗಿ ಬಾಳಲಿ , ನನ್ನ ತನವೇ ಪೂರ್ಣವಾಗಲಿ .
--
PRABHAKAR MUTALIKDESHPANDE

ಕೋಲ್ಮಿಂಚು

2010-01-12T00:50:00.001-08:00

ಬರವಣಿಗೆ ನನ್ನನ್ನು ಆಕಸ್ಮಿಕ ಸಾವಿನ ಭೀತಿಯಿಂದ ವಿಮುಖಗೊಳಿಸಬಹುದು .................... ನನ್ನ ಬದುಕಿನ ರಹಸ್ಯಗಳನ್ನು ಬಯಲಾಗಿಸಿ ,ನನ್ನನ್ನು ನಾನು ಖಾಲಿ ಮಾಡಿಕೊಂಡು , ನನ್ನ ಕಾಲ ಬಂದಾಗ ಪರಿಶುದ್ಧ ಅಂತರಂಗ ಹೊತ್ತು ಹೋಗಬೇಕಿತ್ತು. .---ಕಮಲಾದಾಸ್ (ನನ್ನ ಕಥೆ) .

--
PRABHAKAR MUTALIKDESHPANDE

ಕೋಲ್ಮಿಂಚು

2010-01-12T00:42:00.001-08:00

ಬ್ಯುರೋಕ್ರಸಿಗೆ ಸ್ವತಂತ್ರ ಚಿಂತನೆಗಳು ಬೇಕಾಗಿರುವದಿಲ್ಲ ......ಕಮಲಾದಾಸ್ (ನನ್ನ ಕಥೆ)

--
PRABHAKAR MUTALIKDESHPANDE

ಕೋಲ್ಮಿಂಚು

2010-01-12T00:38:00.001-08:00

ಪ್ರಪಂಚದ ಗಂಭೀರ ವಿಷಯಗಳ ಬಗ್ಗೆ ಯೋಚಿಸಲು ಕಾಯಿಲೆಯಿಂದ ನರಳುವವರಿಗೆ ತುಂಬಾ ಸಮಯವಿರುತ್ತದೆ .
----ಕಮಲಾದಾಸ್ (ನನ್ನ ಕಥೆ ).

--
PRABHAKAR MUTALIKDESHPANDE

ಕನಸು ನನಸು ಎಲ್ಲ ನಿಂದೆ

2010-01-11T04:34:00.001-08:00

ಕನಸು ನನಸು ಎಲ್ಲ ನಿಂದೆ
ನನ್ನದೇನು ನಿನ್ನ ಮುಂದೆ

ನನ್ನಪೊರೆವ ನಿನ್ನಮುಂದೆ
ನನ್ನಮಾತೇನು ಇಲ್ಲತಂದೆ

ಸುಖವನಿಟ್ಟೆ ನನ್ನಮುಂದೆ
ದುಃಖ ತೊಲಗಿತು ಹಿಂದೆ

ನಾನಿಂದು ನಿನ್ನ ಮುಂದೆ
ಬೇಡುವ ಮನದಿಂದೆ

ಬಲ್ಲವರನು ಬಲ್ಲವ ನೀನು
ಅರುತಿರುವೆ ನನ್ನ ನೀನು

ಕರುಣೆಯಿರಲಿ ಕಂದ ನಾ
ನಿನ್ನ ನಂಬಿ ಬಂದೆ ನಾ
--

ನೆರಳ ಬೆಳಕಿನಾಟ ಈ ಸಂಸಾರದ ಕೂಟ

2009-12-31T01:33:00.001-08:00

ನೆರಳ ಬೆಳಕಿನಾಟ ಈ ಸಂಸಾರದ ಕೂಟ
ತಿಳಿದುಬದುಕಬೇಕು ಇದು ನಿಲ್ಲದ ಆಟ

ಹೂವೊಂದೆಅಲ್ಲ ಮುಳ್ಳಿಹಿದು ಮಗ್ಗುಲಲ್ಲಿ
ಬಿಸಿಲೊಂದೆ ಅಲ್ಲ ಬೆಳದಿಂಗಳುಂಟು ಇಲ್ಲಿ

ಸುಖದಸೋಗಿನಲ್ಲಿ ಹುದುಗಿಹುದು ದುಃಖ
ಆಚೆನೋಡು ನೀ ನಿಂತಿಹುದು ಸುಖವು ಪಕ್ಕ

ಕೆಸರೊಂದೆ ಅಲ್ಲ ಅರಳಿಹಿದು ಕಮಲ ಇಲ್ಲಿ
ಹುಟ್ಟು ಮತ್ತದೇ ಸಾವು ನಿಯಮವಿಲ್ಲಿ

ಕತ್ತಲೆಯು ಕವಿದಾಗ ಕಂಗೆಟ್ಟು ಕೂಡದಿರು
ಬೆನ್ನಟ್ಟಿ ಬರುವ ಬೆಳಕು ನೀ ಕಾಯುತಿರು

ನೆರಳ ಬೆಳಕಿನಾಟ ಈ ಸಂಸಾರದ ಕೂಟ
ತಿಳಿದುಬದುಕಬೇಕು ಇದು ನಿಲ್ಲದ ಆಟ .

--
PRABHAKAR MUTALIKDESHPANDE

ನಾನೆಂದಿಗೂ ಬಡವನಲ್ಲ ಬೆಡಗಿ

2009-12-30T22:33:00.001-08:00

ನಾನೆಂದಿಗೂ ಬಡವನಲ್ಲ ಬೆಡಗಿ
ನೀ ನನ್ನ ಜೊತೆಯಿರುವಾಗ ಹುಡುಗಿ

ನನ್ನ ಜೀವದ ಗೆಳತಿ ಬಂಗಾರಿ
ಹೆಂಗ ಹೊಗಳಲಿ ನಿನ್ನ ಸಿಂಗಾರಿ
ನಿನ್ನ ನೆನಪು ಬರುವದು ಬಾರಿ ಬಾರಿ
ಬಂದು ಬಳಸಲೇ ಗೆಳತಿ ಬಳಿಸಾರಿ

ನಿನ್ನ ವಿರಹದಿ ಬೆಂದಿದೆ ಹೃದಯ
ಹೋಗಲೊಲ್ಲದು ಎಷ್ಟೊಂದು ಸಮಯ
ಮೆಲಕು ಹಾಕುತ್ತಿರುವೆ ಮೊದಲಿನ ಪ್ರಣಯ
ಹರಿಯ ಬಾ ಬೇಗ ವಿರಹದ ತೆರೆಯ .

--
PRABHAKAR MUTALIKDESHPANDE

ಹುಟ್ಟು ಹಬ್ಬಕೆ ನಿನ್ನ ಹರಸುವೆನು ಎಲೆ ಚಲುವೆ

2009-12-30T22:23:00.001-08:00

ಹುಟ್ಟು ಹಬ್ಬಕೆ ನಿನ್ನ ಹರಸುವೆನು ಎಲೆ ಚಲುವೆ
ಸುಟ್ಟು ಹೋಗಲಿ ನಿನ್ನ ಚಿಂತೆಗಳು ಎಲೆ ಒಲವೆ

ಬಂಗಾರಿ ಬಾಳಿನಲಿ ಬರದಿರಲೆಂದು ದುಃಖ
ಇರವುವಂತಾಗಲಿ ಸಂಗಾತಿ ನನಗೆಂದೂ ಪಕ್ಕ
ನಿನ್ನೊಲುಮೆ ಸುರಿಯುತಿರು ನೀ ನನ್ನ ಸಂಗ
ಬದುಕುವೆನು ಬಾಳೆಲ್ಲ ನಾನೊಂದು ಭೃಂಗ

ಸಂಗಾತಿ ನೀನೆಂದು ನನಗೊಂದು ಕೋಡು
ಹಾರೈಸುವೆ ಚಲುವೆ ನೀ ಪ್ರೀತಿ ಬತ್ತದಬೀಡು
ನಿನ್ನಾಸೆ ಕನಸೆಲ್ಲ ನನಸಾಗಲಿ ನಿರಂತರ
ಬರದಿರಲಿ ನಮ್ಮ ನಡುವೆ ಇನ್ನೆಂದೂ ಅಂತರ.

--
PRABHAKAR MUTALIKDESHPANDE

ಭರವಸೆಯು ಕುಗ್ಗಿ ನಿರಾಸೆ ಮನೆಮಾಡಿದಾಗ

2009-12-30T22:18:00.001-08:00

ಭರವಸೆಯು ಕುಗ್ಗಿ ನಿರಾಸೆ ಮನೆಮಾಡಿದಾಗ
ನಾ ಚಿಂತೆಯ ಸಂತೆಯಲಿ ಕಳೆದುಹೋದಾಗ
ನನ್ನ ಕನಸುಗಳು ಕಂಗೆಟ್ಟು ಕಮರಿಹೊದಾಗ

ನೆನಪಿಸು ದೇವರೇ

ನನ್ನ ನಿರಾಸೆಗಿಂತ ದೊಡ್ಡದು ನಿನ್ನ ಪ್ರೀತಿಯೆಂದು
ನನ್ನ ಕನಸುಗಳಿಗಿಂತ ಹಿರಿದು ನಿನ್ನ ಮನಸೆಂದು .

( I got this thought through a message to my mobile , just translation is mine )

--
PRABHAKAR MUTALIKDESHPANDE

ಕೋಲ್ಮಿಂಚು

2009-12-20T22:53:00.001-08:00

ಜೀವನದಲ್ಲಿ ಎಲ್ಲಕ್ಕಿಂತಲೂ ಮುಖ್ಯವಾದದ್ದು ಮಾನಸಿಕ ನೆಮ್ಮದಿ ,ಅದು ಸಿಗುವದು ಕೇವಲ ಜ್ಞಾನದಿಂದ .
--
MUTALIKDESHPANDE
http://rujuvatu.blogspot.com/

ನೋವುಗಳು

2009-12-09T03:06:00.001-08:00

ನಮ್ಮನ್ನು ನಾಶಪಡಿಸಿದವರ ಮನಸ್ಸಿನಲ್ಲಿ ನಮ್ಮ ನೋವುಗಳು ಮನೆಮಾಡುತ್ತವೆ -- ಕಮಲಾದಾಸ್ (ನನ್ನ ಕಥೆ )

--
MUTALIKDESHPANDE
http://rujuvatu.blogspot.com/

ಭಾವ

2009-12-09T01:52:00.001-08:00

ಭಾವ
ಅಭಾವವಾದರೆ
ಕಾವ್ಯ
ಕೊನೆಗೊಳ್ಳುವದು .
--
MUTALIKDESHPANDE
http://rujuvatu.blogspot.com/

ಒಂದು ವೇಳೆ ..

2009-12-08T22:07:00.001-08:00

ಒಂದು ವೇಳೆ ನಾವು ಭೂತ - ಭವಿಷ್ಯ -ವರ್ತಮಾನದ ಮಾತುಗಳನ್ನು ಮರೆತು ,ಜೀವನವನ್ನು ಸಮಗ್ರವಾಗಿ ನೋಡಿದರೆ ,ನಾವು ಸತ್ತವರಿಗಾಗಿ ದುಃಖಿಸುವದನ್ನು ,ಇರುವವರಬಗ್ಗೆ ಕೊರಗುವದನ್ನು ಮತ್ತು ಸಂಪತ್ತು ಶೇಖರಿಸುವದನ್ನು ನಿಲ್ಲಿಸುತ್ತೇವೆ . - ಕಮಲಾದಾಸ್ (ನನ್ನ ಕಥೆ ).
--
MUTALIKDESHPANDE
http://rujuvatu.blogspot.com/

ಮದುವೆಯಾಗಿದ್ದೀರಿ .

2009-12-07T02:10:00.001-08:00

ನಿನ್ನೆಯವರೆಗೂ ನೀನು ನೀನಾಗಿಯೇಯಿದ್ದೆ
ಅವನು ಅವನಾಗಿಯೇಯಿದ್ದ
ಆದರೇ ಯಿಂದು ಏನಾಗಿದೆಯೋ ಏನೋ
ಇಬ್ಬರೂ ಬದಲಾಗಿದ್ದೀರಿ
ಯಾಕೆಂದರೆ ಇಬ್ಬರೂ ಮದುವೆಯಾಗಿದ್ದೀರಿ .

--
MUTALIKDESHPANDE
http://rujuvatu.blogspot.com/

ನಿನ್ನ ಕಣ್ಣಿನಾಳದಲ್ಲಿ

2009-12-04T00:23:00.001-08:00

ನಿನ್ನ ಕಣ್ಣಿನಾಳದಲ್ಲಿ

ನನ್ನ ಪ್ರತಿ ಬಿಂಬಕಾಣುವೆ .

ನಿನ್ನ ಮನದಾಳದಲ್ಲಿ

ನನ್ನ ಭಾವಕಾಣುವೆ .

ನಿನ್ನ ಕನಿಸಿನಲ್ಲಿ

ನಾನು ಬಂದುಹೊಗುವೆ .

ನನ್ನ ನಿನ್ನ ಬೆಸುಗೆಯಲ್ಲಿ

ಬಾಳ ಸವೆಸುವೆ .

--
MUTALIKDESHPANDE
http://rujuvatu.blogspot.com/

ನಿನ್ನ ನೆನೆಪಾದೊಡೆ

2009-12-03T21:58:00.001-08:00

ನಿನ್ನ ನೆನೆಪಾದೊಡೆ
ಚಂದ್ರಕಾಂತಿಯ ತಂಪು
ಮನವನಾವರಿಸುವದು
ದುಂಡು ಮಲ್ಲಿಗೆಯಸಳು
ಸುವಾಸನೆ ಸೂಸುವದು

ಬರಿದಾದ ಮನಸಿನಲಿ
ಬಂದು ನೆಲೆಸಲೇ ಗೆಳತಿ
ನಂದನವನವನಾಗಿಸು
ಸುಂದರ ವದನೆ .

--
MUTALIKDESHPANDE
http://rujuvatu.blogspot.com/

ಹೇಳದಿಹ....

2009-12-03T21:42:00.001-08:00

ಹೇಳದಿಹ
ಹಳಹಳಿಯು
ಹರಿದುಹಾಕಿದೆನ್ನೆದೆಯ
ಹೊರಹಾಕಲಾಗದೆ
ಒದ್ದಾಡುತಿಹೆನು .
--
MUTALIKDESHPANDE
http://rujuvatu.blogspot.com/

ಕಾಯುವೆ

2009-12-03T04:30:00.001-08:00

ಕಾಯುವೆ
ಕಾಯುತಲಿರುವೆ
ಕಾತುರಿಸುವೆ
ಕಾತರಿಸಲಿರುವೆ
ನಿನಗಾಗಿ
ನಿನ್ನ ಬರುವಿಕೆಗಾಗಿ .
--
MUTALIKDESHPANDE
http://rujuvatu.blogspot.com/

ವ್ಯಷ್ಟಿ ಯಲಿ

2009-12-03T04:26:00.003-08:00

ವ್ಯಷ್ಟಿ ಯಲಿ ಸಮಷ್ಟಿ
ಸಮಷ್ಟಿಯಲಿ ವ್ಯಷ್ಟಿ
ಇದು ದೇವರ ಸೃಷ್ಟಿ .

--
MUTALIKDESHPANDE
http://rujuvatu.blogspot.com/

ಸಂಗದಲಿ

2009-12-03T04:26:00.001-08:00

ಸಂಗದಲಿ ನಿಸ್ಸಂಗವಿರಲಿ
ನಿಸ್ಸಂಗದಲಿ ಸಂಗವಿರಲಿ
ಆತ್ಮ ಆನಂದದಿಂದರಲಿ.

--
MUTALIKDESHPANDE
http://rujuvatu.blogspot.com/

I forgot myself in loving you

2009-12-02T04:49:00.001-08:00

I forgot myself in loving you
you showed true colours and forgot me

you proved that life is miserable
tell me, how could you keep mum?

I need proximity says my body
mind is mum in remembrance

whatever may be the cause and effect
misery is left to me forever

I forgot myself in loving you
you showed true colours and forgot me.

--
MUTALIKDESHPANDE
http://rujuvatu.blogspot.com/

ಕರುಳ ಬಳ್ಳಿಯ ಕೂಸು...

2009-12-02T03:24:00.001-08:00

ಕರುಳ ಬಳ್ಳಿಯ ಕೂಸು ಕಣ್ಣಿದಿರು ಕುಣಿಯುತಿರೆ
ಕಾಣುವ ಕಾತರದ ಕಣ್ಣಿನಲ್ಲಿ ಕಂಪಿಸುವ ಕಣ್ಣೀರು
ಕಾಣಲು ಕಾಯಬೇಕು ಕೇಶವನ ಕರುಣೆಬೇಕು
ಕಂದ ಕುಣಿಯಲು ಕೇಶವನೋಲಿಯಬೇಕು .
--
MUTALIKDESHPANDE
http://rujuvatu.blogspot.com/

ಕರುಣಿಸು ಕರುಣಾಳು ಶ್ರೀ ರಾಘವೇಂದ್ರ

2009-12-01T22:07:00.001-08:00

ಕರುಣಿಸು ಕರುಣಾಳು ಶ್ರೀ ರಾಘವೇಂದ್ರ
ನನ್ನೆದೆಯ ಗುಡಿಯ ಭಕ್ತಿದೀಪವನುರಿಸಿ

ಭಕ್ತಜನ ಜನ ಸಂಕಷ್ಟ ದೂರಗೊಳಿಸುವ ಗುರುವೇ
ನತಿಸಿಪಾಡುವ ಜನರ ಕಾಯುವ ದೊರೆಯೇ
ನನ್ನನು ಮರೆಯುವದು ನಿನಗಿದು ಸರಿಯೇ
ಕಾಪಾಡು ನನ್ನನು ಬಳಲುತಿಹೆ ಬರಿಯೇ

ಭಕ್ತಿಯಿಲ್ಲದ ಜನುಮ ಜ್ಞಾನವಿಲ್ಲದ ಕರ್ಮ
ನೂಕುತಿದೆ ನನ್ನನು ಅಂಧಕಾರದೆಡೆಗೆ
ಕೈ ಹಿಡಿದು ಕಾಪಾಡು ಕರುಣಾ ಸಾಗರನೇ
ಉದ್ದರಿಸು ನನ್ನನು ಲೋಕತ್ತರ ಗುರುವೇ.
--
MUTALIKDESHPANDE
http://rujuvatu.blogspot.com/

ನನ್ನೇ ನಾನು ಮರೆತು ನಿನ್ನ ಪ್ರೀತಿ ಮಾಡಿದೆ

2009-12-01T04:38:00.001-08:00

ನನ್ನೇ ನಾನು ಮರೆತು ನಿನ್ನ ಪ್ರೀತಿ ಮಾಡಿದೆ
ನನ್ನೇ ನೀನು ಮರೆತು ನಿನ್ನ ಬಣ್ಣ ತೋರಿದೆ

ಬಾಳು ಹೀಗೆ ಗೊಳುಯೆಂದು ಸ್ಪಷ್ಟಪಡಸಿದೆ
ಹೇಳು ಹೇಗೆ ಮರೆತುಇಂದು ಸುಮ್ಮನಾಗಿಹೆ

ತನವು ನಿನ್ನ ಸನಿಹ ಬಯಸಿ ನನ್ನ ಕಾಡಿದೆ
ಮನವು ನಿನ್ನ ನೆನೆದುಯಿಂದು ಮೌನವಾಗಿದೆ

ಕಾರ್ಯಕಾರಣ ಏನೇಯಿರಲಿ ನಿನ್ನಪಾಡಿಗೆ
ದುಃಖವೊಂದೇ ಉಳಿದಿಹುದು ನನ್ನ ಪಾಡಿಗೆ

ಮಾತುಮೌನ ಅರಿಯದಾದೆ ನಿನ್ನ ಈ ಬಗೆ
ಸರಸ ವಿರಸ ವಿಲ್ಲದಾಯ್ತೆ ನಮ್ಮ ಬಾಳಿಗೆ .

--
MUTALIKDESHPANDE
http://rujuvatu.blogspot.com/

ನನ್ನ ನಿನ್ನ ಒಲವು ಗೆಲವು ಹೀಗೆ ಸಾಗಲಿ

2009-12-01T02:03:00.001-08:00

ನನ್ನ ನಿನ್ನ ಒಲವು ಗೆಲವು ಹೀಗೆ ಸಾಗಲಿ
ನಾವು ಕೂಡಿಕೊಂಡು ನಲಿದು ಬಾಳಲಿ
ನಮ್ಮ ಹಿರಿಮೆಗರಿಮೆಯೆಲ್ಲ ವೃದ್ಧಿ ಯಾಗಲಿ
ನಮ್ಮ ತನವು ಮನವುಯೆಲ್ಲ ಶುದ್ಧಿಯಾಗಲಿ
ನಾವು ಕಂಡ ಕನಸುಗಳೆಲ್ಲ ನನಸಾಗಲಿ
ನಾವು ನಕ್ಕು ನಲಿದು ಹೀಗೆ ಮುಂದೆ ಸಾಗಲಿ .
--
MUTALIKDESHPANDE
http://rujuvatu.blogspot.com/

ಏನು ಭಾಗ್ಯವೋ ದೇವ

2009-11-29T23:07:00.001-08:00

ಏನು ಭಾಗ್ಯವೋ ದೇವ
ಏನು ಪುಣ್ಯವೋ
ರತ್ನದಂತ ಪುತ್ರನನ್ನು
ಮಡಿಲ ಲಿಟ್ಟು
ಮೆರೆಸುವೆಯೋ .

ನಿನ್ನ ಕರುಣೆಯೊಂದೆ ರಕ್ಷೆ
ನಮ್ಮ ಪಾಲಿಗೆ
ನಿನ್ನ ದಯನೊಂದೆ ನಾವು
ನಂಬಿ ಬಾಳುವೆವು

ನಿನ್ನ ಒಲುಮೆಯಿಂದ ನಮ್ಮ
ಬಾಳು ಬೆಳಗಿದೆ
ನಿನ್ನ ಹರಕೆಯಿಂದ ನಮ್ಮ
ಭವವು ಹರಿದಿದೆ

ನಿನ್ನ ದೃಷ್ಟಿ ನಮ್ಮ ಮೇಲೆ
ಹರಿಸು ಎಂದಿಗೂ
ನಮ್ಮ ಕರುಳ ಬಳ್ಳಿಯನ್ನು
ಪೊರೆಯೋ ಎಂದಿಗೂ .

--
MUTALIKDESHPANDE
http://rujuvatu.blogspot.com/

ನನ್ನ ನಿನ್ನೊಲವಿನ ವೀಣೆ ತಂತಿಹರಿದು ಬಿದ್ದಿರಲು

2009-11-29T22:48:00.001-08:00

ನನ್ನ ನಿನ್ನೊಲವಿನ ವೀಣೆ ತಂತಿಹರಿದು ಬಿದ್ದಿರಲು
ಯಾವ ರಾಗ ನುಡಿಸೇವು ಯಾವ ಭಾವ ಬಿತ್ತೇವು

ಮೊದಲು ನುಡಿಸಿದ ರಾಗ ನುಲಿಯುತಿದೆ ಇನ್ನೂ
ಬೇರೇ ರಾಗ ಬೇಕೇ ನನಗೆ ಬೇರೇ ಭಾವ ಬೇಕೇ

ಮೊದಲ ಕಂಡ ಕನಸು ಕೂಡ ನನಸಾಗದೇ ಉಳಿದಿದೆ
ಬೇರೇ ಕನಸು ಬೇಕೇ ನನಗೆ ಬೇರೇ ಆಸೆ ಬೇಕೇ

ನನ್ನ ಮನದ ತುಮಲ ನಿನಗೇ ಹೇಗೆ ತಾನೇ ತಿಳಿದೀತು
ನನ್ನ ಭಾವದ ಭಾವ ಹೇಗೆ ತಾನೇ ಹೊಳೆದೀತು

ನನ್ನ ನಿನ್ನ ನಡುವೆಯಿಂದು ಇಲ್ಲವೊಂದು ಸೇತುವೆ
ನನ್ನ ನಿನ್ನ ನುಡುವೆಯಿಂದು ಇಲ್ಲವೊಂದು ಭಾವವು

ನನ್ನ ನಿನ್ನೊಲವಿನ ವೀಣೆ ತಂತಿಹರಿದು ಬಿದ್ದಿರಲು
ಯಾವ ರಾಗ ನುಡಿಸೇವು ಯಾವ ಭಾವ ಬಿತ್ತೇವು .

--
MUTALIKDESHPANDE
http://rujuvatu.blogspot.com/

ಶಾಲಾ ದಿನಗಳು

2009-11-26T22:47:00.001-08:00

ಒಬ್ಬ ಆದರ್ಶ ಪ್ರಾಥಮಿಕ ಶಾಲಾ ಶಿಕ್ಷಕನಿಗೆ ತಮ್ಮ ತರಗತಿಯಲ್ಲಿ ಅತ್ಯಂತ ಮಂದಬುದ್ದಿಯ ಮೂವರು ಮಕ್ಕಳನ್ನು ಹೆಸರಿಸಲು ಕೇಳಿದರೆ ಖಂಡಿತ ನನ್ನ ಹೆಸರೂ ಕೂಡ ಇರುತ್ತಿತ್ತು .ಹಾಗಿತ್ತು ನನ್ನ ಪ್ರಾಥಮಿಕ ಹಾಗೂ ಮಾಧ್ಯಮಿಕ ಶಾಲಾ ಶಿಕ್ಷಣ . ಆದರೇ ನನ್ನ ಸ್ನಾತಕೋತ್ತರ ಪದವಿಯ ವೇಳೆಯಲ್ಲಿ ಒಬ್ಬ ಕಾಲೇಜಿನ ಪ್ರಾಧ್ಯಾಪಕ ಮೂವರು ಭರವಸೆಯ ವಿಧ್ಯಾರ್ಥಿಗಳ ಪಟ್ಟಿ ಮಾಡಿದರೆ ಖಂಡಿತ ಅದರಲ್ಲಿ ನನ್ನ ಹೆಸರು ಇರುತ್ತಿತ್ತು .

ಈ ರೀತಿಯಲ್ಲಿ ಶಿಕ್ಷಣದ ಪಯಣ ಸಾಗಿತ್ತು .

ನನ್ನ ಪ್ರಾಥಮಿಕ ಹಾಗೂ ಮಾಧ್ಯಮಿಕ ಶಿಕ್ಷಣದ ದಿನಗಳನ್ನು ನೆನಸಿಕೊಂಡರೆ ಖಂಡಿತ ನಾನು ಸ್ನಾತಕೋತ್ತರ ಪದವಿಯ ವರೆಗೆ ಓದುತ್ತೇನೆ ಅಂತ ಕನಸು ಮನಸಿನಲ್ಲಿಯೂ ಅಂದು ಕೊಂಡಿರಲಿಲ್ಲ . ಯಾವಾಗಲೂ ತರಗತಿಯಲ್ಲಿ ಹಿಂದಿನ ಸಾಲಿನ ವಿಧ್ಯಾರ್ಥಿಗಳ ಗುಂಪಿಗೆ , ಶಿಕ್ಷಕರಿಂದ ಬೈಗಳು ಮತ್ತು ಹೊಡೆತ ಬಿಟ್ಟರೆ ಬೇರೇ ಏನೂ ಸಿಗುತ್ತಿರಲಿಲ್ಲ ಆ ಬೈಗುಳ ಹಾಗೂ ಹೊಡೆತದಲ್ಲಿ ಸಿಂಹ ಪಾಲು ನನ್ನದೇ ಆಗಿರುತ್ತಿತ್ತು .
ನನ್ನ ಪಾಲಿಗೆ ಶಾಲೆ ಅನ್ನೋದು ಒಂದು ಆಟದ ಮೈದಾನ ವಾಗಿತ್ತು .

--
MUTALIKDESHPANDE
http://rujuvatu.blogspot.com/

ಹರಕೆ ಹೊತ್ತು ಹಡೆದರುನೂ

2009-11-26T03:21:00.001-08:00

ಹರಕೆ ಹೊತ್ತು ಹಡೆದರುನೂ
ಪಡೆಯದಂಥ ಪುತ್ರ ನೀನು
ನಮ್ಮ ಭಾಗ್ಯ ಅರಿಯೇ ನಾನು
ನಮ್ಮ ಮನೆ ಬೆಳಗಿರುವೆ .

ದೇವಕೊಟ್ಟ ಭಾಗ್ಯ ನೀನು
ನಮ್ಮ ವಂಶ ಬೆಳಗುತಿರುವೆ
ಯಾರ ಪುಣ್ಯ ಭಾಗ್ಯವೇನೋ
ಕಂದನಾಗಿ ಬಂದಿರುವೆ .

ಜನ್ಮ ದಿನದ ಶುಭುವು ಇಂದು
ನೆಮ್ಮದಿ ಇರಲಿ ಇನ್ನೆಂದು
ನಿನ್ನ ನಲಿವು ಗೆಲವುಗಳಿಂದ
ನಗಿಸು ನಮ್ಮನೆಂದೆಂದು .

--
MUTALIKDESHPANDE
http://rujuvatu.blogspot.com/

ಕಳೆದು ಹೋದ ಸೌಭಾಗ್ಯ

2009-11-26T01:52:00.001-08:00

ಕಳೆದು ಹೋದ ಸೌಭಾಗ್ಯ
ಮರಳಿ ಬಂದಿತ್ತು
ಅವಳನ್ನು ನೋಡಿ ಹೋದಗಂಡು
ಒಪ್ಪಿಗೆ ಸೂಚಿಸಿದ್ದ .

ಮನೆಯಿಂದ ಹೊರುಡುವಾಗ
ಮಗಳಿಗೆ ಹೇಳಿ ಬಂದಿದ್ದ
"ನಿನಗೇ ಹೊಸ ಅಮ್ಮನ್ನ ಕರ್ಕೊಂಡು ಬರ್ತೀನಿ "
ಏನೆಂದು ಅರಿಯದ ಆರರ ಹಸುಳೆ
ಬೆರೆಗುಗನ್ನಿಂದ ನೋಡಿ ಸುಮ್ಮನಾಗಿತ್ತು .

ಕುಂಕುಮ, ಹಸಿರುಬಳೇ ,
ಮುಡಿಯತುಂಬ ಹೂ ಮುಡಿಯುವ
ಕನಸು ಕಂಡು ,
ಬಳಿಯಲ್ಲಿದ್ದ ಮಗನಿಗೆ
"ನಿನಗೇ ಬೇರೇ ಅಪ್ಪ ಬರ್ತಾರೆ "
ಅಂತ ತಿಳಿಹೇಳಿದಳು .

ಅಂದುಕೊಂಡ ಹಾಗೇ ಮದುವೆ ಆಯ್ತು
ಅವಳಿಗೆ ಇವ ಹೊಸಬ ಹಾಗೇ ಇವನಿಗೆ ಆಕೆ
ಆದರೇ ಇಬ್ಬರಿಗೂ
ಸಂಸಾರ ,ಕಷ್ಟ ,ಸುಖ ಎಲ್ಲ ರೋಧನೆಗಳೂ ಹಳೆಯವೇ .

ಗಂಡ ಹೆಂಡತಿ ಹಾಗೂ
ಅಣ್ಣ ತಂಗಿ ಹೊಂದಿಕೊಂಡಿದ್ದರು
ಸಂಸಾರ ರಥ ಸಾಗಿತ್ತು
ಇಬ್ಬರೂ ಹಳೆಯದನ್ನ ಮರೆತು
ಹೊಸ ಜೀವನಕ್ಕೆ ಅನಿಯಾಗುತ್ತಿದ್ದರು .

ಎಲ್ಲ ಸರಿಯಿರುವಾಗ ...

ಅಂದು ಪಕ್ಕದ ಮನೆಯ ಹುಡುಗ ಬೈಕ್ ಆಕ್ಸಿಡೆಂಟ್ ನಲ್ಲಿ
ಪೆಟ್ಟು ತಿಂದು ಆಸ್ಪತ್ರೆ ಸೇರಿದ್ದ
ಅವನ ತಾಯಿ ರಕ್ತ ಬೇಕು ಅಂತ ಇವನ ಕಾಲಹಿಡಿದು ಬೇಡಿದಳು
ರಕ್ತ ಕೊಡೋಕೆ ಮುಂಚೆ ಪರೀಕ್ಷೆ ಮಾಡಿದ ವೈದ್ಯ
ಇವವನನ್ನು ಕರೆದು ಗುಟ್ಟಾಗಿ ತಿಳಿಸಿದ
"ನಿಮಗೆ ಎಚ್ ಐ ವಿ + ಅಂದ "

ಅಂದು ಯಂದೋ ಒಂದು ಸಲ ತಡೆಯದ ತೀಟೆ ತಿರಿಸಿಕೊಳ್ಳಲು
ಹಾದಿಬದಿಯ ಹೆಂಗಸಿನೊಂದಿಗೆ ಮಲಗಿದ್ದ ರ ತಪ್ಪಿಗೆ
ಇಷ್ಟೊಂದು ಬೆಲೆ ಕೊಡಬೇಕಾದೀತು ಅಂತ ಅವ
ಖಂಡಿತ ಅಂದು ಕೊಂಡಿರಲಿಲ್ಲ .

ಮನೆಗೆ ಹೊರಡಬೇಕು ಅಂತ ಹೊರಟವ
ಆದರೇ ಹೊರಟಿದ್ದು ಮಾತ್ರ ರೈಲ್ವೆ ಟ್ರ್ಯಾಕ್ ಕಡೆಗೆ .

ಇದೆ ನಸೀಬ್ ಅಂದ್ರೆ ಒಂಥರಾ ಹಳ್ಳಕ್ಕೆ ಬಿದ್ದು ಹರ್ಕೊಂಡ್ ಹೋದಂಗೆ .

ಏನು ಕಾಲ್ಗುನೋ ಏನೋ
ಅಲ್ಲಿ ಅವನ್ನ ಬಳಿ ತಗೊಂಡು ಸಾಲದ್ದಕ್ಕೆ
ಇವನನ್ನೂ ಕಳಿಸಿದಳು
ಅಂತ ತಿಳಿಯದವರು ಅಂದ್ರೆ .....

ತಿಳಿದವರು ಅಂದಿದ್ದು ಮಾತ್ರ ಬೇರೇನೆ ...
"ಅವನಿಗೆ ಬಂದದ್ದು ಅವಳಿಗೂ ಬರೆದೇ ಇರುತ್ತಾ ?"

ಜನ ತಮ್ಮ ತಮ್ಮಲ್ಲಿ ಆಡಿಕೊಳ್ಳೋದು ಅವಳಿಗೆ ತಿಳಿಯದೇಯಿರಲಿಲ್ಲ .

ಆದರೇ ಅಷ್ಟರ ಮಟ್ಟಿಗೆ ಅದೇನೋ ಪುಣ್ಯವೋ
ಮತ್ತೇ ಮಕ್ಕಳು ಬೇಡ ಅಂತ ನಿರೋಧ ಬಳಸುತ್ತಿದ್ದ

--
MUTALIKDESHPANDE
http://rujuvatu.blogspot.com/

ಹೇಳ ಬೇಕಿನಿಸುತ್ತೆ

2009-11-25T22:36:00.001-08:00

ಹೇಳ ಬೇಕಿನಿಸುತ್ತೆ
ಆಂತರ್ಯದ ಅಳಲನ್ನು
ತೋಡಿಕೊಂಡು
ಬರಿದಾಗಿ
ಹಗುರವಾಗಬೇಕಿನಿಸುತ್ತೆ .
ಆದರೇ
ಹರಿಯುವ ನದೀಗೆ
ಮುಂದೆ ಇರುವ ಸಮುದ್ರದ ಭರವಸೆ ಇದೆ
ಅದು ಮುಂದೆ ಹೋಗಿ ಅದರ ಒಡಲ ಸೇರುವ
ಖಾತ್ರಿ ಇದೆ .
ಆದರೇ ನನಗೆ ...........
ಇಲ್ಲ ಅದರಂಥ ಆಸರೆ , ಭರವಸೆ
ಏನೊಂದೂ ಇಲ್ಲ
ನಾ ಹೇಗೆ ?
ಬರಿದಾಗಲಿ
ನಾ ಹೇಗೆ ?
ಹಗುರಾಗಲಿ .

--
MUTALIKDESHPANDE
http://rujuvatu.blogspot.com/

ಭಾವ ಕಾವ್ಯದ ಜೀವಾಳ

2009-11-25T04:29:00.001-08:00

ಭಾವ ಕಾವ್ಯದ ಜೀವಾಳ
ಭಾವ ಕವಿಯ ಅಂತರಾಳದ ಆಸ್ತಿ
ಭಾವವೇ ಬದುಕಿಗೆ ಮೆರಗು

ಭಾವವಿಲ್ಲದ ಬದುಕು
ಭಾವವಿಲ್ಲದ ಕಾವ್ಯ
ಎರಡೂ ಜೀವವಿಲ್ಲದ ದೇಹದಂತೆ

ಭಾವದ ಅಭಾವ ಪಶುತ್ವಕ್ಕೆ ದಾರಿ
ಭಾವ ವೃದ್ಧಿ ಬದುಕು ಸಮೃದ್ಧಿ

--
MUTALIKDESHPANDE
http://rujuvatu.blogspot.com/

ನಮ್ಮ ಬೆಂಗಳೂರು !!!

2009-11-24T23:12:00.001-08:00

ಹರಿಶ್ಚಂದ್ರ ಘಾಟನಲ್ಲಿ
ಹೆಣ ಹೂಳೋಕ್ಕೆ ಜಾಗ ಇಲ್ಲ

ಬಿ ಎಮ್ ಟಿ ಸಿ ಬಸ್ನಲ್ಲಿ
ತಳ ಊರೊಕ್ಕೆ ಸ್ಥಳ ಇಲ್ಲ

ಏರ್ ಪೋರ್ಟ್ ಕಡೆ ಹೋಗುವವರಿಗೆ
ನೆಲ ಕಾಣಲ್ಲ

ರೈಲ್ವೆ ಸ್ಟೇಷನ್ ಕಡೆ ಹೋಗುವವರಿಗೆ
ಜನ ಕಾಣಲ್ಲ

ಮಾರ್ಕೆಟ್ ಪೂರ ಮೂರಾಬಟ್ಟೆ

ಮಜೆಸ್ಟಿಕ್ ಒಂದು ಕುರಿ ಹಟ್ಟಿ

ಕ್ರಿಮಿ ಕೀಟ ಬದುಕಿದಾಂಗೆ
ಬದುಕೋ ಜನ ಒಂದುಕಡೆ

ಹದ್ದು ಗಿಡಗ ಬದುಕಿದಾಂಗೆ
ಬದುಕೋರು ಇನ್ನೊಂದು ಕಡೆ

ಸರ್ಕಲ್ನಲ್ಲಿ ಸರಿದಾಡೋಕಾಗಲ್ಲ

ಸೆಂಟ್ರಲ್ನಲ್ಲಿ ಉಸಿರಾಡೋಕಾಗಲ್ಲ

ವಿಧಾನ ಸೌಧದಲ್ಲಿ ಒಂದು ಸಂತೆ

ಹೈ ಕೋರ್ಟ್ ನಲ್ಲಿ ಇನ್ನೊಂದು ಸಂತೆ

ಲಾಲಭಾಗ ನಲ್ಲಿ ಬೇರೆದೇ ಸಂತೆ

ಕಬ್ಬನ್ ಪಾರ್ಕ್ನಲ್ಲಿ ಕೇಳೋರೆ ಇಲ್ವಂತೆ.

--

ಸಾಯುವದಂತೂ ಸುಳ್ಳಲ್ಲ

2009-11-24T22:32:00.001-08:00

ಸಾಯುವದಂತೂ ಸುಳ್ಳಲ್ಲ
ಯಾಕೆ ಹುಟ್ಟಿದೆ ತಿಳಿದಿಲ್ಲ
ಹಿಂದಿನ ಜನ್ಮದ ನೆನಪಿಲ್ಲ
ಮುಂದಿನದನ್ನು ಅರಿತಿಲ್ಲ

ಇಂದ್ರಿಯ ಚಾಪಲ್ಯ ಬಿಟ್ಟಿಲ್ಲ
ತ್ಯಾಗದ ಸೊಂಕೂ ನನಗಿಲ್ಲ
ಅರ್ಥವೇ ಮೆಲಾಗಿಹುದಲ್ಲ
ಸ್ವಾರ್ಥವ ನಿನ್ನು ಬಿಟ್ಟಿಲ್ಲ

ಸಂಭಂದದ ಬಿಗಿ ಕಳಿಚಿಲ್ಲ
ಮೋಹದ ಪೊರೆ ಹರಿದಿಲ್ಲ
ಲೋಭದ ವಾಸನೆ ಹೋಗಿಲ್ಲ
ಮತ್ಸರ ಇನ್ನು ಮುಗಿದಿಲ್ಲ

ಈಗಿರುವ ಸ್ಥಿತಿ ಬೇಕಿಲ್ಲ
ಇದನೆಲ್ಲವ ನಾ ಬಿಡಬೇಕಲ್ಲ
ಇನ್ನಾದರೂ ನಾ ಬೆಳಿಬೇಕಲ್ಲ
ಗುರುಚರಣವ ಹಿಡಿಬೇಕಲ್ಲ

ಮೋಕ್ಷದ ಆಸೆ ಮಾಡಬೇಕು
ಅರಿಷಡ್ವರ್ಗವ ಬಿಡಬೇಕು
ದೇವರ ನಂಬಿ ನಡಿಬೇಕು
ಸತ್ಯದ ಹಾದಿ ಹಿಡಿಬೇಕು .

--

ನಿನ್ನ ಒಲುಮೆಯಿಂದ....

2009-11-24T04:21:00.001-08:00

ನಿನ್ನ ಒಲುಮೆಯಿಂದ ಆ ಚಿಲುಮೆಯಿಂದ
ನನ್ನ ಮನ ಬತ್ತದೆ ಹಸಿರಾಗಿದೆ ನಲ್ಲೇ

ನಿನ್ನ ಮಾತುಗಳಿಂದ ಆ ಹೊನ್ನುಡಿಗಳಿಂದ
ನನ್ನ ಕಿವಿ ನಿನಗಾಗಿ ಕಾತರಿಸಿದೆ ನಲ್ಲೇ

ನಿನ್ನ ಹಂಸದ ನಡಿಗೆ ಆ ಅಡಿಗಡಿಗೆ
ನನ್ನ ಕಣ್ಣ ನಿನ್ನ ಕಾಯುತಿದೆ ನಲ್ಲೇ

ನಿನ್ನ ಕಂಗಳ ಮೋಹಕದ ಮೋಡಿಗೆ
ನನ್ನ ಕಣ್ಣು ಹಸಿದಿದೆ ನಲ್ಲೇ .

--

ನಿನ್ನ ಕಾಣಲು ....

2009-11-24T03:46:00.001-08:00

ನಿನ್ನ ಕಾಣಲು ಪುಳಕಗೊಳ್ಳುವ ಮನ
ನೀನಿಲ್ಲದೇ ಕಮರಿಹೋಗಿದೆ ಗೆಳತಿ
ಕಾರಣವ ಹೇಳದಯೇ ಕೈ ಕೊಟ್ಟು
ಹೋದವಳ ನೆನಪಲ್ಲಿ ಕಾಲ ತಳ್ಳುತಿದೆ .
--

ಮಳೆ ಹನಿ ಸುರಿಯುವಾಗ

2009-11-24T01:43:00.000-08:00

ಮಳೆ ಹನಿ ಸುರಿಯುವಾಗ
ಆ ಮಣ್ಣ ವಾಸನೆ ಬೀರುವಾಗ
ನಿನ್ನ ನೆನೆಪಾಗುತ್ತೆ .
ಗೋಧೂಳಿ ಸಮಯದಲಿ
ವಿಹಾರಕ್ಕೆ ಹೊರಟಾಗ
ತಟ್ಟನೆ ನಿನ್ನ ನೆನೆಪಾಗಿ
ಕಣ್ಣು ನಿನ್ನ ಹುಡುಕುತ್ತೆ .
ಮನಸು ಮರುಗುತ್ತೆ
ಎಲ್ಲ ಹಳೆಯ ನೆನೆಪು
ಮರುಕಳಿಸಿ ಮನ
ಮೌನವಾಗುತ್ತೆ .
--

ನಿನ್ನ ನೋಡುತ..

2009-11-24T01:17:00.001-08:00

ನಿನ್ನ ನೋಡುತ ನಾನು ನಲಿಯುವೆ
ನಿನ್ನ ಸನಿಹದಿ ನಾನು ಸೋಲುವೆ
ನನ್ನೇ ನಾನೇ ಮರೆಯುವಂತೆ
ನಿನ್ನ ಕಣ್ಣಲಿ ತುಂಬಿ ಕೊಳ್ಳುವೆ .
--

ನಿನ್ನ ನೋಡುವುದೇ

2009-11-24T01:12:00.001-08:00

ನಿನ್ನ ನೋಡುವುದೇ
ಒಂದು ಹಬ್ಬ
ನಿನ್ನ ಜೊತೆ
ಮಾತನಾಡುವುದು
ಮುತ್ತುಗಳೊಂದಿಗೆ
ಚೆಲ್ಲಾಟ ವಾಡಿದಹಾಗೆ .
--

ನಿನ್ನ ಮನಸಿನಾಳದಲ್ಲಿ

2009-11-24T01:01:00.001-08:00

ನಿನ್ನ ಮನಸಿನಾಳದಲ್ಲಿ
ಮುಳುಗು ಹಾಕುವಾಗ
ನಾನು ಹುಡಿಕಿದ್ದು
ನನ್ನ ಕುರುಹುಗಳನ್ನ
ಆದರೇ ಸಿಕ್ಕ್ಕಿದ್ದು
ಬೇರೇನನ್ನೋ .
--

ನಾ ಕಾಯುತಿರುವೆ ..

2009-11-24T00:54:00.001-08:00

ನಾ ಕಾಯುತಿರುವೆ
ನಿನಗಾಗಿ
ನಿನ್ನ ಒಂದು ಕುಡಿ
ನೋಟಕ್ಕಾಗಿ
ನಾನು ಹಂಬಿಲಿಸುತಿರುವೆ
ನಿನಗಾಗಿ
ಆ ನಿನ್ನ ನಿಷ್ಕಲ್ಮಶ
ಪ್ರೀತಿಗಾಗಿ .

--

ಕಣ್ಣಿನಲ್ಲಿನ ಕಾಡಿಗೆ

2009-11-24T00:50:00.001-08:00

ಕಣ್ಣಿನಲ್ಲಿನ ಕಾಡಿಗೆ
ಕದ್ದ ಹಾಗೇ ಕದ್ದೆ
ನೀ ನನ್ನ ಮನಸನ್ನ
ಆದರೇ ಬದಲಿಸಬೇಡ
ನೀ ನಿನ್ನ ಮನಸನ್ನ
ನಾ ಬದಲಾಯಿಸುವಂತೆ
ಕಾಡಿಗೆಯನ್ನ .
--

ನಿನ್ನ ಕಣ್ಣನೋಟ

2009-11-23T23:24:00.001-08:00

ನಿನ್ನ ಕಣ್ಣನೋಟ
ಸೃಷ್ಟಿಸುವ ಸಂಚಲನ
ಆ ಬಿರುಗಾಳಿಗೂ
ಆಗುವದಿಲ್ಲ .
--

ಸುಂದರವಾದ ಸಂಜೆ ....

2009-11-23T23:18:00.001-08:00

ಸುಂದರವಾದ ಸಂಜೆ
ಇಂಪಾದ ಸಂಗೀತ
ಕಣ್ಣ ತಣಿಸುವ ನಿಸರ್ಗ
ಹಸಿದರೆ ಹಣ್ಣು
ಓದಲು ಪುಸ್ತಕ
ಇಸ್ಟೆಲ್ಲಾ ಇದ್ದರೂ
ನೀನು ನೆನಪಾಗುತ್ತಿ .
--

ನೀ ದಯಮಾಡದೆ........

2009-11-23T03:13:00.001-08:00

ನೀ ದಯಮಾಡದೆ ನನ್ನ ಪೋರೆಯುವರಾರೋ
ಮನ್ನಿಸಿ ನನ್ನ ತಪ್ಪುಗಳ ನೀ ನನ್ನ ಸಲುಹಯ್ಯ
ಜ್ಞಾನಗಮ್ಯ ಶ್ರೀ ಕೊಪ್ಪರ ನರಸಿಂಹ .

--

ಎಲ್ಲ ಬಲ್ಲವ .........

2009-11-23T02:17:00.001-08:00

ಎಲ್ಲ ಬಲ್ಲವ ನೀನು ಬಲ್ಲಿದರಿಗೆ ಬಲ್ಲಿದ
ನಿನ್ನ ಬಲ್ಲವರುoಟೇ ಈ ಲೋಕದಲ್ಲಿ
ನಾನೆಂತು ಬಲ್ಲೆನು ನಿನ್ನ ನೀ ದಯಮಾಡದೆ .
--

ಅರಳಿಸುವ ಹೊರಳಿಸುವ..............

2009-11-20T03:38:00.001-08:00

ಅರಳಿಸುವ ಹೊರಳಿಸುವ ಕೆರಳಿಸುವ ಕಲೆ ನಿನಗೆ
ಮರುಳಿ ಮರಳಿ ಎನ್ನ ಮನ ನೆನೆಯುತಿದೆ
ಮರುಳಿಬಾರೆ ಮನದನ್ನೆ ಬಂದೆನ್ನ ಸೇರೇ
ಸೊರಗಿರುವೆ ಕೊರಗಿರುವೆ ನೀನಿಲ್ಲದೆಯೇ .

ನನ್ನ ಮನದಾಳದ ವೀಣೆಯನು ಮೀಟಿದವಳೇ
ನನ್ನ ಕನಸುಗಳ ಪೂರ್ಣ ಗುತ್ತಿಗೆ ಪಡೆದವಳೇ
ನನ್ನ ಉಸಿರಿನಲಿ ಉಸಿರಾಗಿರುವವಳೇ
ಬಂದು ನೋಡೆ ,ನೀ ಇಲ್ಲಿ ನಿಂದು ನೋಡೇ .
--

ಮಮಕಾರ

2009-11-17T22:18:00.001-08:00

ಮಗನ ಮೇಲಿನ ಮಮತೆ ಮರೆತು ಮರುಗದಿರು ಮರುಳ
ಮಗನಮೇಲೆ ಮರುಕ ಮತ್ತೇ ಮರಳುವದು ಮರೆಯಬೇಡ
ಮಕ್ಕಳಾಟವು ಮುದುವ ಮೂಡಿಸುವದು ಮೂರುಲೋಕದೊಳು
ಮಮತೆ ಮರೆತರೆ ಮನವು ಮಲಿನ ಗೊಳುವದು ಮೂಢ .
--

ನಿನ್ನ ನೋಡಿದಾಗಲೆಲ್ಲ.....

2009-11-12T03:12:00.001-08:00

ನಿನ್ನ ನೋಡಿದಾಗಲೆಲ್ಲ ನನ್ನ ಮನವು ನಲಿವುದು
ನಿನ್ನ ಕಂಡು ಹಿರಿದುಹಿಗ್ಗಿ ತನ್ನೇತಾನು ಮರೆಯುದು

ನಿನ್ನ ಧ್ವನಿಯ ಕೇಳಿ ನಾನು ಪುಳಕ ಗೊಳುವೆನು
ನಿನ್ನ ನೋಟಕಾಗಿ ನಾನು ಕಾಯುತಿರಿವೆನು

ನಿನ್ನ ಕಣ್ಣ ಸನ್ನೆಯಲ್ಲಿ ಎಲ್ಲ ನುಡಿವ ಸೋಜಿಗ
ನಿನ್ನ ಮನದ ಆಸೆಯೆಲ್ಲಾ ಬಿಚ್ಚಿ ಹೇಳೋ ಕಾಯಕ

ನಿನ್ನ ನಾನು ಕಂಡರೇನೇ ನನ್ನ ಕಣ್ಣು ಸಾರ್ಥಕ
ನಿನ್ನ ಧ್ವನಿಯ ಆಲಿಸೇ ನನ್ನ ಕರ್ಣ ಸಾರ್ಥಕ
----

ನೆಮ್ಮದಿಯ ಹುಡುಕಾಟದಲ್ಲಿ...........

2009-11-12T01:59:00.001-08:00

ನೆಮ್ಮದಿಯ ಹುಡುಕಾಟದಲ್ಲಿ ಅಲೆದದ್ದು ಅನವರತ
ಅಲೆದಾಟ ಮುಗಿದರೂ ನೆಮ್ಮದಿಯು ಇನಿತಿಲ್ಲ

ನಶ್ವರತೆಯ ಬೆನ್ನಹತ್ತಿ ಶಾಶ್ವತವ ಮರೆತಿಹನು
ಇನ್ನಿಲ್ಲದಾ ಸಂಕಟವ ಸುತ್ತಿಕೊಂಡಿಹಿನು

ಸುಖದ ಮರೀಚಿಕೆಯ ಮರ್ಮವನು ಅರಿಯದೇ
ದುಃಖ ದ ಮಡುವಲ್ಲಿ ತೆಲಾಡುತಿಹೆನು

ಅರಿವನ್ನೇ ಮರೆತವಗೆ ಯಾತರದ ಭರವಸೆಯೋ
ಗುರುವನ್ನು ಹಿಡಿದು ನಾ ಪಾರಾಗಬೇಕೋ

ದಶಪ್ರಮತಿ ನನ್ನ ಗುರು ಪ್ರಜ್ಞೆಯಲಿ ಪೂರ್ಣತೆಯು
ಆ ವೇದ ಸಾರಿದ ಮಧ್ವ ರನೇ ನೆನೆಯಬೇಕು

ಆ ದೇವ ಈ ದೇವ ಅನ್ನದೆಯೇ ನಾನಿಂದು
ತುಂಬು ಗುಣ ಹಿರಿದೈವ ನಾರಾಯಣ ಅನಬೇಕೋ .
--
Thanks & Regards

Prabhakar MutalikDeshpande

ನೀ ಸಲುಹದ ...........

2009-11-12T01:40:00.001-08:00

ನೀ ಸಲುಹದ ಸಮಸ್ಸೆಯ ತಂದೊಡ್ಡನು ಆ ದೇವ
ನೀ ಜೀರ್ನಿಸದನ್ನವ ಹಾಕದ ಆ ತಾಯಿಯಂತೆ
ನೀ ಮಾಡದ ಕೆಲಸವ ನಿನಗೊಹಿಸನು ಆ ದೇವ
ಅವ ವಹಿಸಿದ ಕೆಲಸವ ನೀ ಮಾಡು ಸುಮ್ಮನೆ .
--

ಮನದ ಮಾತುಗಳೆಲ್ಲ ಪಂಜರದ ಗಿಳಿಯಂತೆ

2009-11-10T22:31:00.001-08:00

ಮನದ ಮಾತುಗಳೆಲ್ಲ ಪಂಜರದ ಗಿಳಿಯಂತೆ
ಮನದಾಳದಲ್ಲೇ ಅವಿತು ಕಾಯುತಿಹವು
ಹೆಪ್ಪುಗಟ್ಟಿದ ಮೋಡ ಮಳೆಯಾಗಿ ಸುರಿಯಲು
ತವಕಪಡುವಂತೆ ಕಾಣುತಿಹವು

ಮೊಕ್ಷದಾಸೆಯ ಹೊತ್ತ ಭಿಕ್ಷು ವಿನ ಪರಿಯಂತೆ
ಕಾಯಲಾಗದೆ ಅಲ್ಲಿ ಪರಿತಪಿಸುತಿಹವು
ತನ್ನ ಬಸಿರನು ಹೊತ್ತು ಪ್ರಸವಕ್ಕೆ ಕಾಯ್ದಿರುವ
ತಾಯಂತೆ ನೋವ ಅನುಭವಿಸುತಿಹವು

ಬಂದು ನನ್ನೆದುರಲ್ಲಿ ನಿಂದು ನೀ ಈ ಕ್ಷಣಕೆ
ಹೇಳುದೆಲ್ಲವ ಹೇಳಿ ಬರಿದಾಗುವೆನು
ಹೊತ್ತ ಭಾರವ ಇಳುಹಿ ಹಗುರಾಗಿ ನಾನಿಂದು
ಹಕ್ಕಿಯಂದದಿ ನಾನು ಹಾರ ಬಯಸುವೆನು.

--
Prabhakar MutalikDeshpande

ಕಮಲದಂತೆ ಅರಳಿನಿಂತ

2009-11-09T23:21:00.001-08:00

ಪೂರ್ವಿ ,

ಕಮಲದಂತೆ ಅರಳಿನಿಂತ
ನಿರ್ಮಲ ಕುಸುಮ ನೀ
ಮಲ್ಲಿಗೆಯ ಮೊಗ್ಗಿನಂತೆ
ಕಂಪು ನಿನ್ನ ಮಾತಲಿ

ನಿನ್ನ ನಗುವ ಪರಿ ಸಕ್ಕರೆ
ಅದಕ್ಕೆಂದೇ ನೀ ಅಕ್ಕರೆ
ನಿನ್ನ ನಲಿವು ಸಂಪಿಗೆ
ಕೋಪ ಕೆಂಡಸಂಪಿಗೆ

ಜಿಗಿದು ಕುಣಿವ ಜಾಣೆ
ನಕ್ಕು ನಲಿವ ರಾಣಿ
ನಿನ್ನ ನಲಿವು ಗೆಲವು
ನಿನ್ನ ಅಳುವೇ ಮುಳುವು

ನೀ ನಗುವ ಮಲ್ಲಿಗೆ
ಅರಳು ನೀ ಮೆಲ್ಲಗೆ
ಸುರಿಸು ನೀ ಹೂ ಮಳೆ
ಸುಖಿಸಲಿ ಈ ಇಳೆ

ಕಮಲದಂತೆ ಅರಳಿನಿಂತ
ನಿರ್ಮಲ ಕುಸುಮ ನೀ
ಮಲ್ಲಿಗೆಯ ಮೊಗ್ಗಿನಂತೆ
ಕಂಪು ನಿನ್ನ ಮಾತಲಿ

--
Thanks & Regards

ಎಲ್ಲ ಮರೆತಿರುವಾಗ

2009-11-09T22:21:00.001-08:00

ನಲ್ಲೇ ,

ಎಲ್ಲ ಮರೆತಿರುವಾಗ
ನೀ ನನ್ನ ತೊರೆದಾಗ
ಮತ್ತೇಕೆ ಈ ಮಾತು
ಬಿಟ್ಟು ಬಿಡು ಸಾಕು

ಮರೆತು ಬಿಡು ನನ್ನ
ನೆನೆಯದಿರು ಇನ್ನ
ಇನ್ಯಾವ ಮಾತನ್ನು
ಆಡದಿರು ಮತ್ತಿನ್ನ್ನು

ಜೀವ ಕೊರಗದಿರಲಿ
ಮನಸು ಮರುಗದಿರಲಿ
ಭಾವ ಬೆಳಯದಿರಲಿ
ನಿನ್ನ ನೆನೆಯದಿರಲಿ .

ಎಲ್ಲ ಮರೆತಿರುವಾಗ
ನೀ ನನ್ನ ತೊರೆದಾಗ
ಮತ್ತೇಕೆ ಈ ಮಾತು
ಬಿಟ್ಟು ಬಿಡು ಸಾಕು

--

ನಾನು ಕವಿಯಲ್ಲ

2009-11-05T22:01:00.001-08:00

ನಾನು
ಕವಿಯಲ್ಲ
ಯಾಕೆಂದರೆ
ನಾನು
ಸುಳ್ಳು
ಹೇಳುವದಿಲ್ಲ .

--

ನಮ್ಮ ಪ್ರಣವ.

2009-10-26T03:59:00.001-07:00

ನಮ್ಮ ಕರುಳ ಬಳ್ಳಿಯಲ್ಲಿ
ಮೂಡಿಬಂದ ಹೂವು ನೀನು
ನಮ್ಮ ಒಲವ ಹಂಚಿಕೊಂಡು
ಬೆಳೆಯುತಿರುವ ಹಣ್ಣು ನೀನು .

ನಿನ್ನ ವೇಷ ಭಾಷೆ ಎಲ್ಲ
ಸೋಜಿಗದ ಸಂತೆಯೆಲ್ಲ
ನಿನ್ನ ನಗೆಯು ನಿನ್ನ ನುಡಿಯು
ಮುಗ್ದತೆಯ ಕಿಡಿಗಳೆಲ್ಲ .

ನಿನ್ನ ಅಂದ ಚೆಂದವೆಲ್ಲ
ನಮ್ಮ ಆಸ್ತಿ, ಬೇರೆಯಲ್ಲ
ನಿನ್ನ ಆಟ ನೋಟವೆಲ್ಲ
ಮದ್ದು ಅದು ನೋವಿಗೆಲ್ಲ .

--

ನಿನ್ನ ಒಲವಿನ ........

2009-09-18T03:51:00.001-07:00

ನಿನ್ನ ಒಲವಿನ ಕೊಳಲ ಧ್ವನಿಯಲಿ ನಾದವಾಗಿಹ ಧ್ವನಿಯು ನಾ
ನಿನ್ನ ಮನಸಿನ ಅಂತರಾಳದಿ ತುಡಿತಿಹ ವ್ಯಕ್ತಿ ನಾ
ನಿನ್ನ ಕಣ್ಣಿನ ದೃಷ್ಟಿಮುಂದೆ ಚಲಿಸುತಿಹ ಸೃಷ್ಟಿ ನಾ
ನಿನ್ನ ಮೆದುಳಿನ ಜಾನ್ಮೆಹಿಂದೆ ವ್ಯಕ್ತವಾಗಿಹ ಬುದ್ಧಿ ನಾ
ನೀನು ಪೊರೆಯುವ ಪ್ರೇಮ ಲೋಕಕೆ ನಾನೇ ತಾ ನಿಯಾಮಕ
ನಿನ್ನ ಕನಸಿನ ಕಣ್ಣ ಹಿಂದೆ ಬಂದು ಹೋಗುವ ಚಿತ್ರ ನಾ
ನೀನು ಮಾಡುವ ಪುಟ್ಟ ಹಡಗಿಗೆ ಆಧಾರದ ಜಲವು ನಾ
ನಿನ್ನ ಮನಸ್ಸಿನ ರೇಖಾ ಚಿತ್ರಕೆ ಕಣ್ಣ ಸೆಳೆಯುವ ಚಿತ್ತ ನಾ.

--

ನನ್ನ ನಾನು

2009-09-07T01:11:00.001-07:00

ನನ್ನ ನಾನು
ಅರಿಯಲಾರೆ
ನಿನ್ನ ನಾನು
ಮರೆಯಲಾರೆ
ನಿನ್ನ ನೀನು
ತಿಳಿಯಲಾರೆ
ನನ್ನ ನೀನು
ಅರಿಯಬಹುದು
ನಿನ್ನ ನಾನು
ತಿಳಿಯಬಹುದು
ನಮ್ಮ ನಾವು
ನಂಬಬಹುದು .

--

ನನ್ನೊಲವ ನಿನಗಾಗಿ

2009-08-31T23:52:00.001-07:00

ನನ್ನೊಲವ ನಿನಗಾಗಿ
ಬಚ್ಚಿಡುವೆ ಗೆಳತಿ
ಈ ಒಡಲ ನಿನಗಾಗಿ
ಮುಡಿಪಿಡುವೆ ಒಡತಿ

ಈ ಕಂಗಳು ನಿನ್ನಂದವ
ನೋಡುವದಕಿರಲಿ
ಈ ಪ್ರೀತಿ ನಿನಗಾಗಿ
ಕಾತಿರಿಸುತಿರಲಿ

ನನ್ನಾತ್ಮ ನಿನಗಾಗಿ
ಹಂಬಿಲಿಸುತಿರಲಿ
ಈ ತನುವು ಈ ಮನವು
ನಿನಗಾಗಿ ಇರಲಿ .
--

H1N1

2009-08-28T03:23:00.001-07:00

H1 N1 ಲಾಂಗ್ ಫಾರಂ "ಹಂದಿನೂ ಒಂದೇ ನೀನೂ ಒಂದೇ " ಅಂತ ಸ್ಕೂಲ್ ಹುಡುಗರು ಮಾತಾಡಕೊಂಡು ಹೋಗ್ತಾ ಇದ್ದರು

--

ನಿನ್ನ ನಗುವಿನ ನೋಟದಲ್ಲೇ

2009-08-20T03:34:00.001-07:00

ನಿನ್ನ ನಗುವಿನ ನೋಟದಲ್ಲೇ
ಹೂವ ಕಾಂತಿ ತುಂಬಿದೆ
ನಿನ್ನ ನಯನದ ಮಿಂಚಿನಲ್ಲೇ
ನನ್ನ ಜೀವ ತುಂಬಿದೆ .

ನಿನ್ನ ಕಾಣಲು ನನ್ನ ಕಣ್ಣು
ಕಾತರಿಸಿ ಕಾಯ್ದಿದೆ
ನಿನ್ನ ಕೇಳಲು ನನ್ನ ಕಿವಿ
ಅರಳಿ ನಿಂತಿವೆ .

ನೀನು ಬಾರದೆ
ಹೂವು ಬಾಡಿದೆ
ನಿನ್ನ ಕಾಣದೆ
ಬಳ್ಳಿ ನಲುಗಿದೆ .

ನಿನ್ನ ನೆನೆಪಿನಲ್ಲೇ
ನನ್ನ ಬದುಕು ಸಾಗಿದೆ
ನಿನ್ನ ಪ್ರೀತಿಯ ನೆನಪೇ
ನನಗೆ ಆಸರೆಯಾಗಿದೆ .

--

ನನ್ನ ನಿನ್ನ ನಡುವೆ

2009-08-10T03:02:00.001-07:00

ನನ್ನ ನಿನ್ನ ನಡುವೆ
ಏನೋ ಒಂದು ಬೆಸುಗೆ
ಬಾರಿ ಬಾರಿ ನಮ್ಮನು
ತಂದು ಹೊಸೆಯುತಿಹುದು .

ಎಲ್ಲಿಯ ಹೂ
ಎಲ್ಲಿಯ ದುಂಬಿ
ದೈವ ನಿಯಮದಂತೆ
ಸೇರುತಿಹಹವು .

ಮರೆತು ಹೋದ
ಗಾನವನ್ನು ಮರಳಿ
ಮಿಡಿಸುತಿಹುದು .

ಅವಿತು ಹೋದ
ಭಾವಗಳನು ಹೆಕ್ಕಿ
ತಗೆಯುತಿಹುದು .

ಬಿಡಿಸಿಕೊಂಡ
ಬಂಧವನ್ನು ಮತ್ತೆ
ಬೆಸೆಯುತಿಹುದು .

ನನ್ನ ನಿನ್ನ ನಡುವೆ
ಏನೋ ಒಂದು ಬೆಸುಗೆ
ಬಾರಿ ಬಾರಿ ನಮ್ಮನು
ತಂದು ಹೊಸೆಯುತಿಹುದು .

MDN.PRABHAKAR
http://satyatma.blogspot.com/

ವೇದವೆಂದರೇನು (೪)

2009-08-10T01:29:00.001-07:00

ವೇದಗಳೆಷ್ಟು ?.......

ಮುಂದುವರೆದ ಭಾಗ ..................

ವಸ್ತುತಃ ಮೂಲಭೂತವಾಗಿ ವೇದ ವಾಙ್ಮಯ ಎರಡೇ ತರ: ಗದ್ಯ ಮತ್ತು ಪದ್ಯ .ಗದ್ಯಕ್ಕೋ ಪದ್ಯಕ್ಕೋ ಗಾನ ಸೇರಿದರೆ ಅದು ಸಾಮವಾಗುತ್ತದೆ .ಈ ಮೂರು ಬಿಟ್ಟರೆ ವಾಙ್ಮಯ ದಲ್ಲಿ ಇನ್ನೊಂದು ಬಗೆ ಇಲ್ಲ .

ಈ ಮೂರು ಮುಖವನ್ನೇ ಓಂಕಾರದ ಮೂರು ಅಕ್ಷರ ಹೇಳುತ್ತವೆ : ಅ +ಉ +ಮ್ .

ಮೊದಲು ಬೀಜರೂಪವಾದ ಓಂಕಾರ ವಿತ್ತು .ಒಂಕಾರವೇ ಚಿಗುರೊಡೆದು ಮೂರು ವ್ಯಾಹೃತಿ ಗಳಾದವು : ಭೂ , ಭುವ :, ಸುವ :
ವ್ಯಾಹೃತಿ ಯ ಮೂರು ಪದಗಳು ಟಿಸಿಲೊಡೆದು ಗಾಯತ್ರಿಯ ಮೂರು ಪಾದ ಗಳಾದವು .ಟಿಸಿಲು ಟೊಂಗೆ ಯಾಗಿ ಬೆಳೆದು ಪುರುಷ ಸೂಕ್ತದ ಮೂರು ವರ್ಗಗಳಾದವು .

ಇವೆ ವಿಸ್ತಾರ ವಾಗಿ ಬೆಳೆದು ಹೆಮ್ಮರವಾಗಿ ಮೂರು ವೇದಗಳಾದವು . ಇದು ಪ್ರಾಚೀನರು ವೇದ ಕಲ್ಪವೃಕ್ಷದ ಬೆಳೆವನಿಗೆಯನ್ನು ಕಂಡ ಬಗೆ .

ಬೆಳೆದು ನಿಂತ ಮರದ ಎಲ್ಲ ಸತ್ವ ಸಾರವೂ ಸೂಕ್ಷ್ಮ ರೂಪದಲ್ಲಿ ಬೀಜದಲ್ಲಿದೆ .

ಋಗ್ವೇದ ಸಾರವೇ "ಅ "
ಯಜುರ್ವೇದದ ಸಾರವೇ "ಉ "
ಸಾಮವೇದದ ಸಾರವೇ "ಮ"

ಮೂರು ಸಾರಾಕ್ಷರಗಳು ಸೇರಿ ಓಂಕಾರ ವಾಯಿತು ,ಮೂರು ಅಕ್ಷರಗಳು ಬಿತ್ತರಗೊಂದು ವೇದಗಳು ಮೂರಾದವು .

ಈಗೊಂದು ವಿವರಣೆ .....

ಋಗ್ವೇದ ಅಕ್ಷರ "ಅ" ಕಾರವೇ ಏಕಾಗಬೇಕು ?

" ಉ " ಕಾರವೇ ಯಜುರ್ವೇದದ ಅಕ್ಷರ ಏಕಾಗಬೇಕು ?

"ಮ " ಮಕಾರವೇ ಏಕೆ ಸಾಮವೇದದ ಅಕ್ಷರ ?

ಎಲ್ಲ ಅಕ್ಷರಗಳು ಎಲ್ಲ ವೇದಗಳಲ್ಲಿ ಬರುತ್ತವೆ . ಈ ಮೂರು ಅಕ್ಷರಗಳಲ್ಲಿ ಏನಂಥ ವಿಶೇಷ ?

ಈ ಮೂರು ಅಕ್ಷರಗಳ ಆಯ್ಕೆಗೆ ಅಧಾರಭೂತವಾದ ಸುಳಿವು ಮೂಲತಹ : ವೇದಗಳಲ್ಲೇ ಸಿಗುತ್ತವೆ .

ಋಗ್ವೇದದ ಅಕ್ಷರ "ಅ " ಕಾರ ಅದಕ್ಕೆಂದೇ ಋಕ್ ಸಂಹಿತೆ ಅಕಾರದಿಂದಲೇ ಮೊದಲಾಗುತ್ತದೆ :

ಅಗ್ನಿ ಮೀ ಳೇ ಪುರೋಹಿತಮ್........(1.1.1)
ಅಕಾರದಿಂದ ಪ್ರಾರಂಭವಾಗಿ ಇಕಾರದಲ್ಲಿ ಕೊನೆಗೊಳ್ಳುತ್ತದೆ :
...

...........ಯಥಾ ವ : ಸುಸಹಾಸತಿ (೧೦.೧೯1.೪)

" ಅ " ಕಾರದಿಂದ "ಇ "ಕಾರದ ತನಕ ಋಗ್ವೇದ ದ ಪಯಣ .ಇದು ಋಕ್ ಸಂಹಿತೆಯ "ಅಥ " ಮತ್ತು "ಇತಿ ".

ಋಕ್ ಸಂಹಿತೆಯ ಕೊನೆಯ ಅಕ್ಷರ "ಇ " ಕಾರದಿಂದಲೇ ಯಜು :ಸಂಹಿತೆ ಪ್ರಾರಂಭ ವಾಗುತ್ತದೆ :

ಇಷೇ ತ್ವೋರ್ಜೆ ತ್ವಾ .................(1.1.1)
"ಇ "ಕಾರದಿಂದ ಪ್ರಾರಂಭವಾಗಿ "ಉ " ಕಾರದಲ್ಲಿ ಕೊನೆಗೊಳ್ಳುತ್ತದೆ .

........ಸಮುದ್ರೋ ಬಂಧು : (೭.೫.೨೫ )

"ಅ" ಕಾರದಿಂದ "ಇ " ತನಕ ಋಗ್ವೇದ "ಇ " ಕಾರದಿಂದ "ಉ " ಕಾರದ ತನಕ ಯಜುರ್ವೇದ.
ಅನಂತರ ಅಕ್ಷರ "ಮ "ಕಾರ .ಆದರೆ ಸಾಮ ಸಂಹಿತೆ ಮಕಾರದಿಂದ ಪ್ರಾರಂಭ ವಾಗುವದೂ ಇಲ್ಲ ಮುಗಿಯುವದೂ ಇಲ್ಲ .

ಸಾಮ ವೇದ ಪ್ರಾರಂಭವಾಗುವದು "ಅ" ಕಾರದಿಂದಲೇ
ಸಾಮವೇದ ಮುಗಿಯುವುದು "ಉ" ಕಾರದಿಂದಲೇ .
ಅನಂತರದ ಅಕ್ಷರ "ಮ " ಆದರೆ ಸಾಮ ಸಂಹಿತೆ " ಮ "ಕಾರದಿಂದ ಪ್ರಾರಂಭ ವಾಗುವದೂ ಇಲ್ಲ ಮುಗಿಯುವದೂ ಇಲ್ಲ .

ಸಾಮ ವೇದ ಪ್ರಾರಂಭವಾಗುವದು "ಅ" ಕಾರದಿಂದಲೇ

ಅಗ್ನ ಆ ಯಾಹಿ ..................(1)

ಸಾಮವೇದ ಮುಗಿಯುವುದು "ಉ" ಕಾರದಿಂದಲೇ

..................ಬ್ರ್ಹಸ್ಪತಿರ್ದಧಾತು .(೧೮೭೫)

ಋಗ್ವೇದ ಮತ್ತು ಯಜುರ್ವೇದ ಮಂತ್ರಗಳೇ ಬರುವದರಿಂದ ಆದ್ಯಂತ ದಲ್ಲಿ "ಅ" ಕ್ಕರ "ಉ" ಕಾರ ಬರುವದು ಸಹಜ .

ಹಾಗಾದರೆ "ಮ " ಏಕೆ ಸಾಮವೇದ ಅಕ್ಷರ ?

"ಮ್ ss" ಎನ್ನುವದು ಸಂಗೀತದ ನಾದದ ಅನುಕೃತಿ .ಅದಕ್ಕೆಂದೇ ಅದು ಸಾಮವೇದ ಸಂಕೇತ .

ಅದರಿಂದ" ಅ " ಕಾರದಿಂದ "ಇ " ಕಾರದ ವರೆಗೆ ಋಗ್ವೇದ
"ಇ " ಕಾರದಿಂದ "ಉ " ಕಾರದ ವರೆಗೆ ಯಜುರ್ವೇದ .

ಈ "ಅ "ಕಾರ -"ಉ "ಕಾರ ಗಳಿಗೆ ಸಾಮ ಸೇರಿದಾಗ ಅರ್ಥಾತ ಗಾನ ಸೇರಿದಾಗ ಅದು ಸಾಮವೇದ ವಾಗುತ್ತದೆ .

(ಅಧಾರ : ಶ್ರೀ ಬನ್ನಂಜೆ ಗೋವಿಂದಾಚಾರ್ಯ ಅವರ ಪ್ರವಚನ ಮತ್ತು ಬರಹಗಳು )

ಮುಂದುವರೆಯುವದು .......

ವೇದವೆಂದರೇನು (3)

2009-08-07T02:56:00.001-07:00

ಮುಂದುವರೆದ ಭಾಗ .......

ವೇದಗಳೆಷ್ಟು ?

ಋಕ್ ,ಯಜುಸ್ ,ಸಾಮ ಎಂಬುದಾಗಿ ವೇದಗಳು ಮೂರು ಬಗೆ ಯಾಗಿರುತ್ತದೆ .

ಶಾಖೆ ಯ ದೃಷ್ಟಿಯಿಂದ ನೋಡಿದಾಗ ವೇದಗಳು ನಾಲ್ಕು

1) ಋಕ್ ಶಾಖೆ ೨) ಯಜು :ಶಾಖೆ ೩) ಸಾಮ ಶಾಖೆ ೪) ಅಥರ್ವ ಶಾಖೆ

ವಾಸ್ತವವಾಗಿ ಗ್ರಾಂಥಿಕ ಅಸ್ತಿತ್ವದ ಮೂಲಕ ನೋಡಿದಲ್ಲಿ ವೇದಗಳು ಎರಡೇ ಆಗಿವೆ .

1) ಪದ್ಯಮಯ ವಾದ (ಛಂದೋಬದ್ಧವಾದ ) ಅಪೌರುಷೆಯ ಶಬ್ದರಾಶಿಯು "ಋಗ್ವೇದ " ಎನಿಸಿದೆ .
೨) ಗಧ್ಯಮಯವಾದ ಶಬ್ದರಾಶಿಯು "ಯಜುರ್ವೇದ " ವೆನಿಸಿದೆ .

ಈ ಎರಡು ವಿಧವಾದ ಮಂತ್ರಗಳಿಗೆ ಗಾನ ಸೇರಿದಾಗ ಅದು "ಸಾಮ " ವೆನಿಸುತ್ತದೆ . ಸಾಮವೇದದಲ್ಲಿ ಯಜುರ್ವೇದ ಮಂತ್ರಗಳು ಅತ್ಯಂತ ಕಡಿಮೆ ಇದ್ದು ಋಗ್ವೇದ ಮಂತ್ರಗಳೇ ಹೆಚ್ಚಾಗಿರುತ್ತವೆ . ಆದ್ದರಿಂದಲೇ ಋಗ್ವೇದದ ಮತ್ತೊಂದು ಗಾನದ ಮುಖ "ಸಾಮ " ವೆಂಬ ಪ್ರತಿಪಾದನೆ ಛಾಂದೋಗ್ಯದಲ್ಲಿ ದೊರಕುತ್ತದೆ . ( ಋಚ್ಯ ಭೂಡಂ ಸಾಮ 1.೬.1).
ಮೂಲತಹ ವೇದಗಳು ಮೂರೇ ತರ ,ಅದಕ್ಕೆಂದೇ ಅದಕ್ಕೆ "ತ್ರಯೀ "ಎಂದು ಹೆಸರು ,ಇಲ್ಲಿ ತ್ರಯೀ ಮೂರು ಎಂದರ್ಥ .ಯಾವುದು ಮೂರು ಎಂದರೆ . ಪದ್ಯರೂಪವಾದ ವೇದ , ಗದ್ಯರೂಪವಾದ ವೇದ ಮತ್ತು ಗಾನ ರೂಪವಾದ ವೇದ .

ಇದರಂತೆ ಅಥರ್ವೆದಕ್ಕೂ ಋಕ್ ,ಯಜುರ್ಮಂತ್ರ ಗಳಿಂದ ಹೊರತು ಪಡಿಸಿದ ಗ್ರಾಂಥಿಕ ಹಿನ್ನಲೆ ಇರುವದಿಲ್ಲ . ಋಗ್ವೇದ ಹಾಗೂ ಯಜುರ್ವೇದ ದಲ್ಲಿ ಇರದ ,ಇಂದು ದೊರಕುವ ಅಥರ್ವೇದದ ಮಂತ್ರಗಳು ಕೂಡಾ ಉಪಲಬ್ಧವಿಲ್ಲದ ಋಕ್ ಯಜು :ಶಾಕೆಗೆ ಸಂಬಂದಿಸಿದ್ದಾಗಿವೆ . ಆಧ್ಯಾತ್ಮಿಕ ಜೀವನದ ಜೊತೆಗೆ ಐಹಿಕವಾದ ಬಾಳುವೆಯನ್ನು ಸುಖಮಯವಾಗಿಸಲು ರೂಪುತಳೆದ ಋಕ್ ಹಾಗೂ ಯಜುಸ್ಸಿನ ಮಂತ್ರಗಳ ಕ್ರಮಬದ್ಧವಾದ ಸಂಕಲನವೇ "ಅಥರ್ವೇದ "ವಾಗಿರುತ್ತದೆ .

ಹೀಗೆ ವೇದಗಳು ಒಂದೋ ಪದ್ಯಮಯ ಒಂದೋ ಗದ್ಯಮಯ ಅಥವಾ ಇವುಗಳಿಗೆ ಗಾನ ಸೇರಿದಾಗ ಸಾಮವೆನಿಸುವದು.

ಕೃತಯುಗದಲ್ಲಿ ಆರ್ಷ ವಾಙ್ಮಯ ಏಕಮುಖವಾಗಿತ್ತು ,ಪರಮ ಪುರುಷನಾದ ಪರಮಾತ್ಮನ ಬೋಧನೆಯೇ ಅದರ ಮುಖ್ಯ ಗುರಿಯಾಗಿತ್ತು .ಅಂದಿನ ಸಾಧಕರಿಗೆಲ್ಲ ಸಮಗ್ರ ವೇದದಲ್ಲಿ ಪರಮಾತ್ಮನನ್ನು ಗುರುತಿಸುವ ಜಾಣ್ಮೆ ಇತ್ತು . ಅಂದು ಋಕ್ ,ಯಜುಸ್ ,ಸಾಮ ವೆಂಬ ಪ್ರಭೇದ ವಿರಲಿಲ್ಲ . ಎಲ್ಲ ಅವಿಭಕ್ತವಾದ ಆರ್ಷ ವಾಙ್ಮಯ ವನ್ನು ಅಂದು "ಮೂಲವೇದ " ಎಂದು ಕರೆಯುತ್ತಿದ್ದರು .

ಯುಗಧರ್ಮಕ್ಕೆ ಅನುಸಾರವಾಗಿ ಉಂಟಾಗುವ ಬುದ್ಧಿ ಶೈಥಿಲ್ಯವನ್ನು ಗಮನಿಸಿದ ಬಾದರಾಯಣರು ವೇದ ವಿಭಾಗ ಮಾಡಿದರು .

ಮುಂದುವರೆಯುವದು .....

--

ವೇದವನೊದದೆ

2009-08-07T01:00:00.001-07:00

ವೇದವನೊದದೆ
ವೇದವ ಹಳಿವರೋ
ಅರ್ಥವನರಿಯದೆ
ಕತ್ತೆಯ ಹಾಗೇ
ಅರಚುವರೋ.

ನಿತ್ಯದ ಸತ್ಯವ
ಅರಿಯದೇ ಇವರು
ಬೊಗಳೆ ಮಾತು -
ಗಳಾಡುವರೋ.

ಆನೆಯಂತಹ
ವೇದದ ಎದುರಿಗೆ
ಶ್ವಾನದಂತೆ
ಬೊಗಳುವರೋ .

ರಚಿಸದೇ ಇರುವ
ರುಚಿಯನು ಅರಿಯದೇ
ಯಾರೋ ಬರೆದಿಹ -
-ರೆನ್ನುವರೋ .

ಬಾಳಿಗೆ ಬೆಳಕ
ನೀಡುವ ವೇದದ
ಕಣ್ಮುಚ್ಚಿ ಜನ
ತೆಗಳುವರೋ .

ವೇದವನೊದದೆ
ವೇದವ ಹಳಿವರೋ
ಅರ್ಥವನರಿಯದೆ
ಕತ್ತೆಯ ಹಾಗೇ
ಅರಚುವರೋ.

--

ವೇದವೆಂದರೇನು (2)

2009-08-05T07:03:00.001-07:00

ಮುಂದುವರೆದ ಭಾಗ ....

" ವೇದ " ಎನ್ನೋ ಶಬ್ದವು ಜ್ಞಾನಾರ್ಥಕವಾದ "ವಿದ್ " ಧಾತುವಿನಿಂದ ನಿಷ್ಪನ್ನವಾಗಿದೆ . ಪ್ರತಿಯೊಬ್ಬ ಮನುಷ್ಯನಿಗೂ ಸೌಖ್ಯವನ್ನು ಪಡೆಯಬೇಕೆಂದು ಇಚ್ಛೆಯೂ ಹಾಗೆಯೇ ದುಃಖಗಳನ್ನು ಪರಿಹರಿಸಿಕೊಳ್ಳಬೇಕೆಂದು ಆಸೆಯೂ ಇರುತ್ತದೆ .ಅಂದರೆ ಪ್ರತಿಯೊಬ್ಬ ಮಾನವನಿಗೂ ಸುಖಾದಿಗಳು ಇಷ್ಟವಾಗಿಯೂ ದುಃಖಾದಿಗಳು ಇಷ್ಟವಲ್ಲದೆ ಅನಿಷ್ಟವಾಗಿಯೂ ಇರುತ್ತದೆ .ಈ ರೀತಿಯಾಗಿ ಇಷ್ಟವಾದ ಸುಖಾದಿಗಳನ್ನ ಪಡೆಯಲು ಮತ್ತು ದುಃಖಾದಿ ಅನಿಷ್ಟಗಳನ್ನು ಪರಿಹರಿಸಿಕೊಳ್ಳಲು ಪ್ರತ್ಯಕ್ಷ ,ಅನುಮಾನಗಳಿಗಿಂತ ಭಿನ್ನವಾದ ಅಲೌಕಿಕ ವಾದ ಉಪಾಯವನ್ನು ಯಾವ ಗ್ರಂಥವು ತಿಳಿಸುತ್ತದೆಯೋ ಆ ಜ್ಞಾನ ರೂಪವಾದ ಗ್ರಂಥಗಳೇ "ವೇದ" ಎಂದು ಕರೆಯುತ್ತಾರೆ .

ವೇದಗಳನ್ನು ನಿತ್ಯ ಆಗಮ ಎಂಬುದಾಗಿ ನಮ್ಮ ಪರಂಪರೆ ಅಂಗೀಕರಿಸಿದೆ .ಶ್ರುತಿ , ತ್ರಯೀ , ಅಮ್ನಾಯ ,ಅನುಪೂರ್ವಿ ,ಅನಂತಪಾರ ,ಅನುವಚನ ಮೊದಲಾದ ಇತರ ಅನೇಕ ಹೆಸರುಗಳಿಂದ ಇವು ಪ್ರಸಿದ್ಧವಾಗಿವೆ .

ಸದಾ ಇರುವದರಿಂದ "ವೇದ "
ಶ್ರವಣ ದಿಂದಲೇ ಅದರ ಅಧ್ಯೇತ್ರಗಳು ಅವುಗಳನ್ನು ತಿಳಿದು ಅಧ್ಯಯನ ಮಾಡುವದರಿಂದ "ಶ್ರುತಿ "
ಅರ್ಥತ: ಮಾತ್ರವಲ್ಲದೆ ಶಬ್ದತ : ಸಹ ಅವುಗಳಲ್ಲಿ ನಿತ್ಯತ್ವ ಇರುವದರಿಂದ "ಆಮ್ನಾಯ "
ಆನುಪೂರ್ವಿಯಲ್ಲಿ ಯಾವುದೇ ವ್ಯತ್ಯಾಸ ಎಂದೂ ಇಲ್ಲದಿರುವದರಿಂದ "ಆನುಪೂರ್ವಿ "
ವಿನಾಶ ಹಾಗೂ ಪರಿಮಿತಿ ಗಳಿಂದ ರಹಿತವೆಂದು "ಅನಂತಾಪಾರ"

ಗಳೆಂದು ಆಯಾ ಹೆಸರುಗಳಿಗೆ ಅನ್ವರ್ಥಕ ವಾಗಿರುವದನ್ನು ಕಾಣಬಹುದು . ಬಹುತೇಕ ಆಧುನಿಕ ವಿದ್ವಾಂಸರು ಸಹ ಇವುಗಳನ್ನು ಮನುಕುಲದ ಅತೀ ಪ್ರಾಚೀನ ಕೃತಿ ಗಳೆಂದು ಅಂಗೀಕರಿಸಿರುವರು.

ವೇದಗಳು ಸೃಷ್ಟಿಯ ಆದಿಯಲ್ಲಿ ಪರಮಾತ್ಮನಿಂದ ಉದ್ಭಾಸಿತ ವಾದ ಯಾವ ವ್ಯಕ್ತಿಗತ ಇತಿಹಾಸಗಳಿಗೂ ಎಡೆಯಿಲ್ಲದ ಶಾಸ್ತ್ರಗಳು ಎಂಬ ಭಾವನೆಗೆಯೇ ಕುಠಾರಾಘಾತ ವಾಗಿದೆ .
ಹೀಗಾಗಿ ಮ್ಯಾಕ್ಸ ಮುಲ್ಲರ್ ,ಗ್ರಿಫಿತ್ ,ವುಲ್ಹರ್ ಮೊದಲಾದ ಪಾಶ್ಚ್ಯಾತ್ಯ ವಿದ್ವಾಂಸರು (?) ಅವರ ಮಾನಸಿಕ ಪುತ್ರರಾದ ಭಾರತೀಯ ವಿದ್ವಾಂಸರು (?) ತಮ್ಮ ಅರೆಬೆಂದ ಜ್ಞಾನವನ್ನ ವೇದಗಳಲ್ಲಿ ತುರುಕಿ ,ತಮ್ಮ ಮೂಗಿನ ನೇರಕ್ಕೆ ವೇದಗಳನ್ನು ಎಳೆದು .ತಮ್ಮ ತಮ್ಮ ಜ್ಞಾನದ ಮಟ್ಟಕ್ಕೆ ವೇದಗಳನ್ನು ಇಳಿಸಿ ,ವೇದಗಳು ಕಾಡಾಡಿಗಳ ಹಾಡುಗಳು ,ಅದೊಂದು ಜನಪದ ಸಾಹಿತ್ಯ ,ಗೊಲ್ಲರ ಗೀತೆಗಳು ಎಂದು ಬೊಗಳೆ ಬಿಟ್ಟು ತಮ್ಮ ಅಜ್ಞಾನ ಪ್ರದರ್ಶನ ಮಾಡಿ ,ಏನೋ ಸಾಧಿಸಿದವರಂತೆ ಬೀಗುವದರಿಂದ ನಿಜವಾದ ವೇದಕ್ಕಾಗಲಿ ಅದರ ಅರ್ಥಕ್ಕಾಗಲಿ ಅದರ ಮಹತ್ವಕ್ಕಾಗಲಿ ಕುಂದು ಬರದು.

.........ಮುಂದುವರೆಯುವದು .

--

ನೀನೊಂದು "ಕತ್ತೆ "!!!

2009-08-05T00:21:00.001-07:00

ನೀನೊಂದು "ಕತ್ತೆ "!!!

ಒಂದು ಊರಿನಲ್ಲಿ ಒಬ್ಬ ಸರಕಾರೀ ಅಧಿಕಾರಿ ಇದ್ದ ,ಉನ್ನತ ಹುದ್ದೆಯಲ್ಲಿ ಇದ್ದುದರಿಂದ ಗರ್ವಿಷ್ಟ ನಾಗಿದ್ದ ,ಅಹಂಕಾರದ ಮದ ಇತ್ತು ಮತ್ತೆ ಇಂಗ್ಲೀಷ್ ಶಿಕ್ಷಣ ಪಡೆದಿದ್ದರಿಂದ ತಾನು ತುಂಬಾ ತಿಳಿದವನಂತೆ ಮಾತನಾಡುತಿದ್ದ .ಕಪೋಲ ಕಲ್ಪಿತ ಇಂಗ್ಲೀಷ್ ಕಾದಂಬರಿಗಳನ್ನ ಓದಿಕೊಂಡು ವಾದ ವಿತಂಡ ವಾದಗಳನ್ನ ಮಾಡುತ್ತಿದ್ದ.

ಆ ಊರಿಗೆ ಒಬ್ಬ ಸಾಧು ಬಂದ ,ಸಾಧುಗಳ ಮಹಿಮೆ ಕೇಳಿದ ಜನ ಅವರ ಕಡೆ ಹೋಗಿ ತಮ್ಮ ಸಮಸ್ಸೆಗಳಿಗೆ ಪರಿಹಾರ ಪದೆದುಕೊಳುತ್ತಿದ್ದರು . ಅವರ ಕೊಟ್ಟ ಮಂತ್ರೋಪದೇಶವನ್ನು ಪಡೆದ ಜನ ತುಂಬ ಸಂತೋಷದಿಂದ ಇರುತಿದ್ದರು . ಅಧಿಕಾರಿಯ ಮನೆಯಲ್ಲಿ ಮನೆಗೆಲಸ ಮಾಡುವ ವ್ಯಕ್ತಿ ಕೂಡ ,ಸಾಧುಗಳನ್ನ ಕಂಡು ,ಅವರ ಹಿತೋಪದೇಶ ಪಡೆದ ಅವರು ಕೊಟ್ಟ ಮಂತ್ರ ಜಪಿಸುತ್ತ ಸದಾ ಆನಂದದಿಂದ ಇರುತಿದ್ದ .

ಇದೆನೆಲ್ಲ ಗಮನಿಸಿದ ಅಧಿಕಾರಿ ತನ್ನ ಮನೆಗೆಲಸದವ ತನಗಿಂತ ಇಷ್ಟೊಂದು ಬಡವನಾಗಿದ್ದರೂ ಆದರೆ ತನಗಿಂತ ಸಂತೋಷದಿಂದ ಇರುವದನ್ನು ಕಂಡು ಅವವನನ್ನು ವಿಚಾರಿಸಿದ .ಆಗ ಅವ ಇರುವ ವಿಷಯ ಹೇಳಿದ.ಆದರೆ ಅದೆಲ್ಲ ಮೂಢನಂಬಿಕೆ ಎಂದು ಹಾಗೇ ಅಲಕ್ಷ ಮಾಡಿದ ,ಆದರೆ ಅವನ ಮನಸ್ಸಿನಲ್ಲಿ ಅದರ ಬಗ್ಗೆ ಕುತೂಹಲ ಮಾತ್ರ ಹೋಗಿರಲಿಲ್ಲ .ಕೊನೆಗೆ ಅವರನ್ನ ಕಂಡು ಬರಬೇಕು ಎಂದು ನಿರ್ಧರಿಸಿ ,ಕೆಲಸದವನೊಂದಿಗೆ ಅವರಿದ್ದಲ್ಲಿಗೆ ಹೋದ.

ಅವರನ್ನು ಕಂಡು ನಮಸ್ಕರಿಸಿ ತನ್ನ ಪರಿಯಚಯ ಮಾಡಿಕೊಂಡ ,ತನುಗೂ ಮಂತ್ರೋಪದೇಶ ಮಾಡಬೇಕೆಂದು ಕೇಳಿದ . ಆಗ ಸಾಧು ಅವನನ್ನ ನೋಡಿ ಅವನ ಕಿವಿಯಲ್ಲಿ "ರಾಮ ಮಂತ್ರ " ಉಪದೇಶ ಮಾಡಿದರು .ಅದನ್ನು ಪ್ರತಿನಿತ್ಯ ಜಪಿಸು ಎಲ್ಲ ಒಳ್ಳೆಯದಾಗುತ್ತದೆ ಎಂದು ಹೇಳಿದರು .

ಆಗ ಆ ಅಧಿಕಾರಿಗೆ ತನ್ನ ಕೆಲಸದವನಿಗೂ ಅದೇ ಮಂತ್ರ ಕೊಟ್ಟಿದ್ದಾರೆ ಎಂದು ತಿಳಿದು ಅದನ್ನ ಸಾಧುವಿಗೆ ಕೇಳಿದ ,ನಾನೊಬ್ಬ ಅಧಿಕಾರಿ ನಂಗೆ ಬೇರೇ ದೊಡ್ಡ ಮಂತ್ರ ಹೇಳಿ ಬರೀ ರಾಮ ಮಂತ್ರ ಬೇಡ ಎಂದ .

ಅದನ್ನು ಕೇಳಿದ ಸಾಧು ಆ ಅಧಿಕಾರಿಗೆ " ನೀನೊಂದು ಕತ್ತೆ " ನೀನೊಬ್ಬ ಮುಠ್ಠಾಳ " ಎಂದು ನಿಂದಿಸಿದ .

ಸುತ್ತಲೂ ಸಾಕಷ್ಟು ಜನರಿದ್ದರು ,ಆ ಅಧಿಕಾರಿಗೆ ಅವಮಾನ ಸಹಿಸಲಾಗಲ್ಲ ,ಅವನ ಮನಸ್ಸಿನಲ್ಲಿ ಪದೇ ಪದೇ ಕತ್ತೆ ಮತ್ತು ಮುಠ್ಠಾಳ ಎನ್ನುವ ಪದಗಳು ಅನುರಣಿಸಿ ಅವನ ಕೋಪ ಮತ್ತಷ್ಟು ಹೆಚ್ಚ್ಚಾಯಿತು. ಅವನ ಈಡೀ ದೇಹ ಕೋಪದಿಂದ ಕಂಪಿಸುತ್ತಿತ್ತು ,ಅವನಿಗೆ ಮೈಯಲ್ಲೆಲ್ಲ ಬಿಸಿ ಹೆಚ್ಚ್ಚಾಗಿ ,ರಕ್ತ ಕುದಿಯುತ್ತಿತ್ತು ,ಆ ಶಬ್ದಗಳಿಂದ ಅವನ ಮರ್ಯಾದೆ ಹಾಳಾಗಿ ಅವನ ದೇಹದಲ್ಲಿ ಅಸಮಾಧಾನ ಮನೆಮಾಡಿತ್ತು .

ಆಗ ಸಾಧು ಶಾಂತ ಚಿತ್ತದಿಂದ ಹೇಳಿದ ,ಬರೀ ಕತ್ತೆ ಮತ್ತು ಮುಠ್ಠಾಳ ಎನ್ನೋ ಪದಗನ್ನು ಕೇಳಿದ ನಿನಗೆ ನಿನ್ನ ದೇಹದಲ್ಲಿ ಇಷ್ಟೊಂದು ಪರಿಣಾಮ ವಾಗಿ ನಿನ್ನ ಮನಸ್ಸಿನ ಸ್ಥಿತಿ ಹಾಳಾಗಿ ಹೋಯಿತು ,ಕೇವಲ ಬರೀ ಕೆಟ್ಟ ಶಬ್ದಗಳಿಗೆ ಈ ರೀತಿ ಶಕ್ತಿ ಇರಬೇಕಾದರೆ ಇನ್ನೊ "ರಾಮ ಮಂತ್ರ " ದ ಶಕ್ತಿಯ ಬಗ್ಗೆ ಅನುಮಾನಿಸಬೇಡ .

ಕೇವಲ ಶಬ್ದಗಳಿಗೆ ಈ ರೀತಿ ಶಕ್ತಿ ಇರುವದಾದ್ರೆ ಮಂತ್ರಕ್ಕೆ ಯಾಕೆ ಶಕ್ತಿ ಇರೋಲ್ಲ .
ಆಗ ಅಧಿಕಾರಿಗೆ ತನ್ನ ತಪ್ಪಿನ ಅರಿವಾಗಿತ್ತು .

ವೇದವೆಂದರೇನು (1)

2009-08-04T00:00:00.001-07:00

ವೇದ ಎಂದರೇನು ?
ವೇದಗಳು ಹಿಂದೂಗಳಿಗೆ ಮಾತ್ರ ಅಲ್ಲ ,ಸತ್ಯ ಅರಸುವ ವಿಶ್ವದ ಯಾವುದೇ ದೇಶದ ಯಾವುದೇ ವ್ಯಕ್ತಿಗೂ ಅತ್ಯಂತ ಪವಿತ್ರ ಗ್ರಂಥಗಳ ಸಂಕಲನ. ಹಿಂದೂಗಳು ತಮ್ಮ ಸಾಂಸ್ಕೃತಿಕ ಸಂಪತ್ತಿನ ತವರು ಮನೆಯೆಂದು ವೇದಗಳನ್ನು ಆದರಿಸುತ್ತಾರೆ .ಮಾನವೀಯತೆಯ ಮೇರುಕೃತಿಗಳು ವೇದಗಳು ,ಅದು ನಮ್ಮ ಸನಾತನ ಧರ್ಮದ ಆಧಾರ.

ವೇದಗಳು ತತ್ತ್ವಶಾಸ್ತ್ರದ ತವರು .ಧರ್ಮ ಸಂಸ್ಕೃತಿಗಳ ನೆಲೆ .ಅರ್ಥ ಶಾಸ್ತ್ರ ,ವೈದ್ಯಶಾಸ್ತ್ರ ,ನೀತಿಶಾಸ್ತ್ರ ,ಕಾಮಶಾಸ್ತ್ರ ಹಾಗೂ ಜ್ಞಾನ ವಿಜ್ಞಾನಗಳ ಆಕರ.ಮೌಲಿಕ ಬದುಕಿಗೆ ,ಸೂಕ್ಸ್ಮ ಸಂವೇದನೆಗೆ ಆಳವಾದ ಚಿಂತನೆಗೆ ಭಾವುಕತೆಯ ಸ್ಪಂದನಗಳಿಗೆ ಸ್ಪೂರ್ಥಿ ನೀಡುವ ಜ್ಞಾನಸಾಗರ.

ಹೀಗೆ ವೇದವು ಎಲ್ಲ ವಿದ್ಯೆಗಳ ಆಗರವೆಂಬುದು ಎಷ್ಟು ದಿಟವೋ ಅದಕ್ಕಿಂತ ಹೆಚ್ಚಿನ ಮಹತ್ವದ ಇನ್ನೊಂದು ಮುಖ ವೇದಕ್ಕಿದೆ.ಮಾನವನ ಪವಿತ್ರವಾದ ಬದುಕಿಗೆ ಚಾಲನೆ ನೀಡಿ ,ಅನಂತ ಸದ್ಗುಣಗಳ ಶಾಶ್ವತ ಧಾಮನಾದ ಪರಮಾತ್ಮನ ಅರಿವು ನೀಡಿ ,ಸಾಧಕನನ್ನು ಕತ್ತಲೆಯಿಂದ ಬೆಳಕಿನೆಡೆಗೆ ,ಅರಿವಿನಿಂದ ಅಮೃತತ್ತ್ವದೆಡೆಗೆ ಕೊಂಡೋಯ್ಯುವ ,ಇಹ ಪರಗಳ ಬಂಧು -ವೇದವಾಗಿರುತ್ತದೆ .

ವೇದವೆಂದರೇನು ಎನ್ನುವದನ್ನ ಸಂಕ್ಷಿಪ್ತ ವಾಗಿ ನೋಡುವ .

ವಿದ್ ಎಂಬ ಧಾತುವಿನಿಂದ ವೇದ ಎಂಬ ಪದ ಬಂದಿದೆ - ವಿದ್ ಇದರ ಅರ್ಥ ಜ್ಞಾನ ,ತಿಳುವಳಿಕೆ ಎಂದು ಅರ್ಥಕೊಡಲಾಗಿದೆ.

೧) "ವೇದೇನ ವೈ ದೇವಾ ಅಸುರಾಣಂ ವಿತ್ತಂ ವೇದ್ಯಮವಿಂದತ"

ಕಾಠಕ ,ಮೈತ್ರಾಯಣೀಯ , ತೈತ್ತರೀಯ ಸಂಹಿತೆಗಳು "ವೇದ " ಶಬ್ದದ ನಿರ್ವಚನವನ್ನು ಹೇಗೆ ಮಾಡುತ್ತವೆ ----- " ಅಸುರರ ಸಿರಿ , ಪರಮಾತ್ಮನ ಕೃಪೆ ,ದೊರಕಿಸಲು ಕಾರಣವಾದುದರಿಂದ ಅಪೌರಷೆಯ ವಾದ ಶಬ್ದರಾಶಿಯು ವೇದವೆನಿಸಿದೆ "

೨.---"ವೇದಿರ್ದೆವೆಭ್ಯೋ ನಿಲಾಯತ /ತಾಂ ವೇದೇನಾನ್ವಾವಿಂದನ್ ವೇದೇನ ವೇದಂ ವಿವಿದು: ಪ್ರಥಿವೀಯಂ "

ವೇದಗಳನ್ನ ಅಧ್ಯಯನ ಮಾಡಿದ ದೇವತೆಗಳು , ಅದರಿಂದ ಪರಮ ಪುರುಷನಾದ ಪರಮಾತ್ಮನನ್ನು ಹಾಗು ಎಲ್ಲ ಬಗೆಯ ಸಿರಿಯನ್ನೂ ಹೊಂದಿದರು .

೩.... "ನೆಂದ್ರಿಯಾಣಿ ನಾನುಮಾನಂ ವೇದಾ ಹ್ಯೇವೈನಂ ವೇದಯಂತಿ " ಇತಿ ಪಿಪ್ಪಲಾದ ಶ್ರುತಿ:

" ಕಣ್ಣು ,ಕಿವಿ ,ಮನಸ್ಸು ಮೊದಲಾದ ಇಂದ್ರಿಯಗಳು ಪರಮಾತ್ಮನನ್ನು ಕಾಣಿಸಲಾರವು ,ಜಟಿಲವಾದ ತರ್ಕಶಾಸ್ತ್ರವೂ ಕೂಡ ಪರಮಾತ್ಮನ ಅರಿವು ಮಾಡಿಸದು .ಕೇವಲ ವೇದಗಳು ಮಾತ್ರವೇ ಪರಮಾತ್ಮನನ್ನು ತಿಳಿಸಬಲ್ಲವು .ಆದ್ದರಿಂದಲೇ ಅವು ವೇದವೆನಿಸಿವೆ ".

೪.....ಕಪರ್ದಿಸ್ವಾಮಿಯು " ಜೀವಾತ್ಮನಿಗೆ ,ಸಂಸಾರದ ಕಡಲಿನಿಂದ ಶಾಶ್ವತವಾದ ಬಿಡುಗಡೆ ದೊರಕಿಸುವ ಸತ್ಕರ್ಮ ಗಳನ್ನು ನಿರೂಪಿಸುವ ಗ್ರಂಥವೇ ವೇದ".

೫...ಹರದತ್ತ ........" ಪರತತ್ತ್ವವನ್ನು ಯಥಾವತ್ತಾಗಿ ತಿಳಿಸುವ ಶಬ್ದರಾಶಿ ವೇದ ".

೬.....ಮನು " ಪ್ರತ್ಯಕ್ಷಾನುಮಾನಗಳು ಯಾವ ಪರವಸ್ತುವನ್ನು ತಿಳಿಸಲಾರವೋ ಅಂತಹ ಪರತತ್ತ್ವದ ಅರಿವು ನೀಡುವ ಕಾರಣದಿಂದ ವೇದವು ಅಪೌರುಷೆಯ ವಾದ ಶಬ್ದ ರಾಶಿ ವೇದವೆನಿಸಿದೆ .

೭....ಹೇಮಚಂದ್ರ -........."ಧರ್ಮ ಹಾಗೂ ಪರತತ್ತ್ವ ದ ಅರಿವು ನೀಡುವದರಿಂದ ಈ ಶಬ್ದರಾಶಿ ವೇದವೆನಿಸಿದೆ "

ಮೇಲೆ ಹೇಳಿದ ಅರ್ಥಗಳನ್ನು ವಿಮರ್ಸಿಸಿದರೆ ವೇದಗಳೆಂದರೆ ಸಂಪೂರ್ಣ ಲೌಕಿಕ ಬದುಕನ್ನು ಸಾರ್ಥಕಗೊಳಿಸಿ ,ಅತೀಂದ್ರಿಯ ವಾದ ಧರ್ಮ , ಸ್ವರ್ಗ ,ಪರತತ್ತ್ವವಾದ ಪರಮಾತ್ಮನ ಬೋಧನೆಯೇ ವೇದದ ಪ್ರಮುಖ ಗುರಿಯೆಂದು ಸ್ಪಷ್ಟ ವಾಗಿ ತಿಳಿದುಬರುತ್ತದೆ .

" ವೇದದ ಪ್ರತಿಯೊಂದು ಸ್ವರಗಳು, ವರ್ಣಗಳು ಪರಮಾತ್ಮನ ಪಾರಮ್ಯವನ್ನು ಬಣ್ಣಿಸುತ್ತವೆ .ಇಷ್ಟೇ ಏಕೆ ? ಸಮುದ್ರದ ಭೋರ್ಗರೆತ ,ಮೋಡಗಳ ಗುಡುಗು ,ಪಕ್ಷಿಗಳ ಕಲರವ ಮೊದಲಾದ ಎಲ್ಲ ದ್ವಾನ್ಯಾತ್ಮಕ ಶಬ್ದಗಳು ಪರಮಾತ್ಮನ ಹಿರಿಮೆಯನ್ನು ವರ್ಣಿಸುತ್ತವೆ ,ಇದು ವೇದದ ಮುಖ್ಯವಾದ ಸಂದೇಶ "

ಹೀಗೆ ವೇದದ ಯಥಾರ್ಥವಾದ ಉದ್ದೇಶವನ್ನು ಅರಿತು ಅದನ್ನು ಪಠಿಸಿದಾಗ ಮಾತ್ರವೇ ,ಅದು ಸಾರ್ಥಕ . ಕೇವಲ ಮೂಲಾಧಾರದ ವಲಯದಲ್ಲೇ ಸುತ್ತುವವರಿಗೆ ಆ ಅನಾಹತ ನಾದದ ಅರಿವು ಆಗುವದಿಲ್ಲ . ಇಲ್ಲವಾದಲ್ಲಿ " ಯಾಸ್ಕ " ರ ಅನಿಸಿಕೆಯಂತೆ " ಅರ್ಥ ಸ್ಮ್ರುತಿಯಿಲ್ಲದ ವೇದದ ನಿರಂತರ ಪಠಣ ,ಅಧ್ಯಾಪನ ,ಎಲ್ಲವೂ ಒಂದು ದೊಡ್ಡ ಹೊರೆ ಮಾತ್ರ "
**
.....ಮುಂದುವರೆಯುವದು.

ಈ ಜಗತ್ತಿನಲ್ಲಿ ದೇವರಿಲ್ಲ !!!

2009-08-03T23:08:00.000-07:00

ಈವತ್ತು ನನಗೆ ಬಂದ ಮೇಲ್ ನಲ್ಲಿ ಈ ಕಥೆ ಇತ್ತು ,

ಹಿರಿಯರೊಬ್ಬರು ಹಜಾಮನ ಅಂಗಡಿಗೆ ಕ್ಷೌ ರಕ್ಕೆಂದು ಹೋದರು .ಆಗ ಹಜಾಮ ತನ್ನ ಕೆಲಸ ಪ್ರಾರಂಭಿಸಿದ.ತುಸು ಹೊತ್ತಾದ ಮೇಲೆ ಮಾತು ಪ್ರಾರಂಭಿಸಿದರು .ಅವರು ರಾಜಕೀಯದಿಂದ ಹಿಡಿದು ಎಲ್ಲ ವಿಷಯಗಳ ಬಗ್ಗೆ ಮಾತನಾಡಿದರು . ಕೊನೆಗೆ ಮಾತು ದೇವರ ಕಡೆ ತಿರುಗಿತು ,ಆಗ ಕ್ಷೌ ರಿಕ " ನಾನು ದೇವರು ಇದ್ದಾನೆ ಎಂದು ಖಂಡಿತ ನಂಬುವದಿಲ್ಲ " ಹಾಗೇಕೆ ಹೇಳುತ್ತೀ ಎಂದು ಹಿರಿಯರು ಕೇಳಿದರು . ಆಗ ಕ್ಷೌ ರಿಕ ಈಗ ದೇವರಿಲ್ಲ ಎಂದು ಅರ್ಥ ವಾಗಬೇಕಾದರೆ ನೀವು ಅಂಗಡಿಯಿಂದ ಹೊರಗೆ ಹೋಗಿ ನೋಡಿ ,ಎಷ್ಟೊಂದು ಜನ ಅನಾಥರು ,ಅನಾರೋಗ್ಯರು ಮತ್ತು ಹತಭಾಗ್ಯರು ಇದ್ದಾರೆಂದು . ನೀವು ಹೇಳುವ ಪ್ರಕಾರ ದೇವರು ಇದ್ದರೇ ಇಷ್ಟೊಂದು ಜನ ನಿರ್ಗತಿಕರು ,ಅನಾಥರು ಇರಲು ಸಾಧ್ಯವೇ ? ಎಂದು ಕ್ಷೌ ರಿಕ ಹಿರಿಯರನ್ನ ಪ್ರಶ್ನಿಸಿದ . ಆಗ ಕ್ಷೌರಿಕ ಮುಂದು ವರೆಸಿದ ಅಕಸ್ಮಾತ ಪ್ರೀತಿಯ ಪ್ರತೀಕವಾದ ದೇವರು ಇದ್ದರೇ ಈ ಜಗತ್ತಿನಲ್ಲಿ ದುಃಖವೇ ಇರಬಾರದಾಗಿತ್ತು .

ಹಿರಿಯರು ಅವನ ಮಾತನ್ನ ಮೌನ ದಿಂದ ಕೇಳಿದರು ,ಅವನಿಗೆ ಯಾವ ಉತ್ತರವನ್ನೂ ಕೊಡಲಿಲ್ಲ ,ಯಾಕೆಂದರೆ ಆ ಸಮಯದಲ್ಲಿ ಅವರು ಏನೇ ಹೇಳಿದ್ದರೂ ಅದೊಂದು ವಾದ -ವಿವಾದ ವಾಗುತ್ತಿತ್ತು ,ಅದಕ್ಕೆಂದು ಹಿರಿಯರು ಸುಮ್ಮನೆ ಇದ್ದರು .ಆ ಸಮಯಕ್ಕೆ ಕ್ಷೌರಿಕ ತನ್ನ ಕೆಲಸ ಮುಗಿಸಿದ ,ಅವನಿಗೆ ಹಣ ಕೊಟ್ಟು ಹಿರಿಯರು ಅಂಗಡಿಯಿಂದ ಹೊರನಡೆದರು .

ಸ್ವಲ್ಪ ದೂರ ಹೋದಬಳಿಕ ,ರಸ್ತೆಯಲ್ಲಿ ಆ ಹಿರಿಯರು ಒಬ್ಬ ವ್ಯಕ್ತಿಯನ್ನು ಕಂಡರೂ ,ಆ ವ್ಯಕ್ತಿ ತನ್ನ ತಲೆತುಂಬ ಕೂದಲು ಬೆಳೆಸಿದ್ದ ,ಅದನ್ನ ಸರಿಯಾಗಿ ಬಾಚಿಕೊಂಡಿರಲಿಲ್ಲ ನೋಡಲು ತುಂಬಾ ವಿಕಾರವಾಗಿ ಕಾಣುತ್ತಿದ್ದ ,ಅವನ ಗಡ್ಡ ಬೆಳೆದು ಮತ್ತಷ್ಟು ಅವನನ್ನು ಮತ್ತಷ್ಟು ವಿಕಾರ ಗೊಳಿಸಿತ್ತು .ಅವನು ಕೊಳಕಾಗಿ ಕಾಣುತ್ತಿತ್ತು .

ಆಗ ಹಿರಿಯರು ಮತ್ತೆ ಮರಳಿ ಹಜಾಮನ ಅಂಗಡಿಗೆ ಹೋದರು ,ಆಗ ಹಜಾಮನನ್ನು ಕುರಿತು ," ಈ ಜಗತ್ತಿನಲ್ಲಿ ಹಜಾಮರೇ ಇಲ್ಲ , ಅಕಸ್ಮಾತ ಹಜಾಮರು ಇದ್ದರೇ ಈ ರೀತಿ ಆಗುತ್ತಿರಲಿಲ್ಲ " ಎಂದು ಹೇಳಿದರು . . ಆಗ ಹಜಾಮ ನಾನು ಇಲ್ಲಿದ್ದೇನೆ ,ಈದೀಗ ತಾನೇ ನಿಮ್ಮ ಕ್ಷೌರ ಮಾಡಿದ್ದೇನೆ ,ಎಂದು ಹೇಳಿದ .ಆಗ ಹಿರಿಯರು ಇಲ್ಲ ಹಜಾಮರು ಇಲ್ಲವೇ ಇಲ್ಲ ,ಅವರು ಇದ್ದರೇ ಈ ಜಗತ್ತಿನಲ್ಲಿ ಈ ರೀತಿ ಕೂದಲು ಬೆಳೆಸಿದ ಕೊಳಕರು ಇರುತ್ತಿರಲಿಲ್ಲ ಎಂದು ಹಿರಿಯರು ನುಡಿದರು.

ಆಗ ಹಜಾಮ ಅದಕ್ಕೆ ನಾನೇನು ಮಾಡಲಿ ಅವರು ನನ್ನ ಬಳಿಗೆ ಬರುವದಿಲ್ಲ ಬಂದಿದ್ದರೇ ನಾನು ಕ್ಷೌರ ಮಾಡುತ್ತಿದ್ದೆ ಎಂದ .ನನ್ನ ಬಳಿಗೆ ಬರದಿದ್ದರೆ ಅವರ ಗತಿ ಹೀಗಿಯೇ ಎಂದ .

ಆಗ ಹಿರಿಯರು ಸರಿಯಾದ ಮಾತು ,ಇದೆ ಉತ್ತರ ದೇವರಿಗೂ ಅನ್ವವಯಿಸುತ್ತದೆ , ಇವರ್ಯಾರೂ ದೇವರ ಬಳಿ ಹೋಗದೆ ಇದ್ದರೇ ದೇವರಾದರು ಏನು ಮಾಡಿಯಾನು ಎಂದು ಹೇಳಿದರು .

--

ಜೀವನಕ್ಕಿಂತ ಸಿನಿಮಾ ದೊಡ್ಡದಾ ?

2009-08-03T02:14:00.001-07:00

ಜೀವನಕ್ಕಿಂತ ಸಿನಿಮಾ ದೊಡ್ಡದಾ ?

ಮಾನವ ಜನ್ಮ ದೊಡ್ಡದೋ ಅದನ ಹಾನಿಮಾಡಿಕೊಳ್ಳಲಿ ಬೇಡಿ ಹುಚ್ಚಪ್ಪ ಗಳಿರಾ ....ಎಂದು ದಾಸರು ಜೀವನದ ಪ್ರಾಮುಖ್ಯತೆ ಬಗ್ಗೆ ಸಾರಿದ್ದಾರೆ.

ದೇಶ ರಕ್ಷಣೆಯನ್ನು ಧ್ಯೇಯವಾಗಿರಿಸಿಕೊಂಡ ಪ್ರಾಣ ತೆತ್ತವರನ್ನು ಇಡೀ ದೇಶ ಅತ್ಯಂತ ಗೌರವದಿಂದ ಕಾಣುತ್ತದೆ .ಅವರಿಗಾಗಿ ಕಂಬನಿ ಮಿಡುಯುತ್ತಿದೆ.ದೇಶಕ್ಕೂ ಹಾಗೂ ಹೆತ್ತವರಿಗೂ ಅವರು ಸ್ಮರಣೀಯರು .ಅವರು ದೇಶಪ್ರೇಮಿಗಳು.

ನಿನ್ನೆ ಹೈದರಾಬಾದಿನಲ್ಲಿ "ಮಗಧೀರ" ತೆಲುಗು ಚಿತ್ರ ರಂಗದ ಚಿರಂಜೀವಿ ಪುತ್ರ ರಾಮಚರನ್ ತೇಜ್ ನಟಿಸಿದ ಚಿತ್ರ ನೋಡಲು "ಚಿತ್ರಪ್ರೇಮಿಗಳು " ಸಾವಿರಾರು ಜನ ಒಮ್ಮೆಲೇ ನುಗ್ಗಿ ,ನೂಕು ನುಗ್ಗಲಿನಲ್ಲಿ ಮೂವರು ಪ್ರಾಣ ಕಳೆದುಕೊಂಡಿದ್ದಾರೆ ,ಇವರು ಚಿತ್ರಪ್ರೇಮಿಗಳು .

ಇಂಥವರಾಗಿ ಯಾರು ಅಳಬೇಕು ,ಯಾವಾಗ ಈ ಹುಚ್ಚು ಅಭಿಮಾನಿಗಳಿಗೆ ಅರ್ಥ ಆಗೋದು .
ಜೀವನಕ್ಕಿಂತ ಸಿನಿಮಾ ದೊಡ್ಡದಾ ?
--

ಸ್ಥಾಯಿಭಾವಗಳು

2009-07-22T21:58:00.001-07:00

ಪ್ರೀತಿ ನೆಲಸದೇ ಹಾಸ್ಯ ತೋರದು
ಹಾಸ್ಯ ತೋರದೆ ಶೋಕ ತಪ್ಪದು
ಶೋಕ ತಪ್ಪದೆ ಕ್ರೋಧ ಬಿಡದು
ಕ್ರೋಧ ಬಿಡದೆ ಉತ್ಸಾಹ ತೋರದು
ಉತ್ಸಾಹ ವಿರದ ಬದುಕು ಭಯಾನಕ
ಭಯ ದ ಬದುಕು ಅಸಹ್ಯ ವೆನಿಸುವದು,
ಆಶ್ಚರ್ಯವೆಂದರೆ ತಾನೇ ತಾನಾಗಿ
ಶಾಂತಿ ನೆಲೆಸುವದು ಪ್ರೀತಿಯನರಿತಾಗ .
******

ಸ್ಥಾಯಿಭಾವಗಳು ಒ೦ಭತ್ತು.

೧ ಪ್ರೀತಿ
೨ ಹಾಸ್ಯ
೩ ಶೋಕ
೪ ಕ್ರೋಧ
೫ ಉತ್ಸಾಹ
೬ ಭಯ
೭ ಅಸಹ್ಯ
೮ ಆಶ್ಚರ್ಯ
೯ ಶಾ೦ತಿ

ನೀ ನನ್ನ ಬಾಳ ಸಂಜೀವಿನಿ

2009-07-21T02:39:00.001-07:00

ಬಾಳ ಕವಿತೆಯು ನೀನು
ಏನು ಹೇಳಲಿ ನಾನು
ನಿನ್ನೊಲುಮೆ ನನ್ನುಸಿರು
ನಿನ್ನುಸಿರೆ ನನ್ನಹಸಿರು.

ಬದುಕು ಬಡವಾಗುವದು
ಹಡಗು ದಡಸೇರವರಿಯದು
ಈ ರೀತಿ ನನ್ನಿಂದ
ನೀ ದೂರ ಉಳಿದರೆ.

ಬಾಳ ಬೆಳದಿಂಗಳ ಬೆಳಕೇ ನೀನು
ಬೆಳಗ ಬಲ್ಲನೇ ಚಂದ್ರ ನೀನಿಲ್ಲದೇ
ಸುಮ್ಮನೆ ಹೇಳಿದೆನೇ?
ಅನುಭವಿಸಿ ನುಡಿದಿಹೆನು.

ಬಿರುಗಾಳಿ ಬರಲೆಂದು
ಎದೆ ಒಡ್ಡಿ ನಿಂತಿಹೆನು
ಬಾರದದು ಹಾಗೆಲ್ಲ
ನೀ ನನ್ನ ಬರಸೆಳೆದು
ತಬ್ಬಿ ಹಿಡಿದಾಗ.

ಒಬ್ಬನಿರುವಾಗ ತಂಗಾಳಿಗೂ
ನಡುಗುವೆನು
ಏನಂಥ ಭದ್ರತೆ
ನೀ ನನ್ನ ಜೊತೆಯಲಿರುವಾಗ.

ಬದುಕ ಬಲ್ಲನೇ ನಾನು
ಚದುರಿ ಹೋದರೆ ನೀನು
ಸಹಿಸಲಾರನೆ ನಾನು
ನಿನ್ನ ಈ ವಿರಹವನು.

ಮನತುಂಬಿ ಕರೆಯುವೆನು
ಕಣ್ತುಂಬ ನೋಡುವೆನು
ಈ ಜಗವ ಆ ಕ್ಷಣವೇ
ಮರೆತು ಬಿಡುವೆನು
ನೀ ಬರಸೆಳೆದು
ನನ್ನ ಅಪ್ಪಿಕೊಳ್ಳಲು.

ಒಂದೇ ಆದರೇ ನಾವು
ಬಂದು ಹೋಗಲಿ ನೋವು
ಏನಾದರೇನು?
ಹೆದರುವೆನೇ ನಾನು?

ಬಳಿಯಲಿದ್ದರೆ ನೀನು
ಗೆಲುವೇ ನೆಲ್ಲವ ನಾನು
ಮರೆಯದಿರು ಓ ಚಲುವೆ
ನೀ ನನ್ನ ಬಾಳ ಸಂಜೀವಿನಿ.
--

ನಿಂತ ನೆಲ ಕುಸಿಯುವವದು

2009-07-21T02:00:00.001-07:00

ನಿಂತ ನೆಲ ಕುಸಿಯುವವದು
ಗೆಳತಿ ನೀ ವಿಶಾದದಿ
ನೋಟ ಬೀರಿದಾಗ
ಗಂಡು ತಾ ಸೋಲುವದು
ಹೆಣ್ಣು ತಾ ನಗುವ ಮರೆತಾಗ
ಅವನ ತೋಳ ಬಲವೇ
ಕುಸಿಯುವುದು
ಹೆಣ್ಣು ತಾ ಬೇಸರಿಸಿ ನಿಂತಾಗ .

ಅತ್ತು ಕಳಿಯಲಿಬೇಡ
ಮುತ್ತಿನಂತಹ ಹೊತ್ತ
ಮತ್ತೆ ಬಾರದು ನಿನಗೆ
ಹೋದರೀವತ್ತು .
ಉಸಿರು ಕಟ್ಟಿದ ಹಾಗೇ
ಇರುವೆ ಬೇಸರ
ನೀ ಹೀಗೆ ಮನನೊಂದು
ಬೇಸರಿಸಿ ಕುಳಿತಾಗ .

ಮರೆಯಬೇಕದು ಮನವೇ
ತೊರೆಯಬೇಕದನೊಮ್ಮೆ
ನಿನ್ನ ಮನಸ್ಸಿನಾಳದಿಂದ .

ಬಿತ್ತದಿರು ,ಬೆಳಯದಿರು
ಆ ವಿಷಾದವ ಮತ್ತೆ
ಮರುಗದಿರು ಕೊರಗದಿರು
ಬಳಲಿ ಬೆಂಡ ಆಗದಿರು.

ಕಣ್ಣ ಅಗಲಿಸಿ ಜಗವ ನೋಡು
ಹಾರುವ ಹಕ್ಕಿಯ ನೋಡು
ಬೆಳದಿಂಗಳ ರಾತ್ರಿ ನೋಡು
ನೋಡು ಎಲ್ಲವ ನೋಡು
ಸಂತಸವೇ ಮನೆಮಾಡಿಹುದು
ನೀ ನಸುಕ್ಕು ನಿಂತರೆ
ನಕಾರವದು ಸಾಕಾರ.

--

ಚಲುವೆ ನೀ ನಕ್ಕಾಗ

2009-07-21T01:45:00.001-07:00

ಚಲುವೆ ನೀ ನಕ್ಕಾಗ
ಬೆಳದಿಂಗಳು ಸೂಸುವದು
ಸುರಿಯುವದು ಜೇನಹನಿ
ಆನಂದದ ಬುಗ್ಗೆಯಾಗಿ .
ಮಂದವೆಲ್ಲವೂ ಮಂದಾರ
ಇಹವೆಲ್ಲವೂ ಸುಂದರ
ನೀ ನಕ್ಕಾಗ .

ಬಿಕ್ಕುವವ ಕೂಡ
ಬದುಕಬಲ್ಲನು ಗೆಳತಿ
ಹೆಣ್ಣು ತಾ ಹೂ ಬೀರಿ
ತಾನೊಮ್ಮೆ ನಕ್ಕಾಗ .

ಕಷ್ಟ ಯಾವುದು ಗೆಳತಿ
ಚಿಂತೆ ಏನಿದೆ ನನಗೆ
ಹೇಳು ಚಲುವೆ ನೀನು
ನಸು ನಕ್ಕು ನಿಂತಾಗ .

ಕೈ ತುಂಬಿದ್ದ ರೇನು
ಬರಿದಾದರೇನು ,ಗೆಳತಿ
ನಗು ನಗುತ ನೀ ನನ್ನ
ಬಳಿಯಲಿರುವಾಗ .

ಗಂಡು ಜೀವದ ಜೀವ
ಹೆಣ್ಣ ನಗೆಯಲ್ಲಿಹುದು
ಗೆಲುವ ನೆಲ್ಲವನು
ಆ ನಗೆಯಮೇಲೆ .

ಕಷ್ಟ ಬಂದರೆ ಬರಲಿ
ಇಷ್ಟ ಇಲ್ಲದೆ ಇರಲಿ
ಸೂಸುವೆನು ಅದನ್ನೆಲ್ಲಾ
ನಿನ್ನ ನಗೆಯಿಂದ .

ನುಗ್ಗಿ ಬರುವ ಸುನಾಮಿ
ಅದು ತಂಪು ಸೂಸುವ ಗಾಳಿ
ನಗುತ ನಿಂತರೆ ನೀನು
ನನ್ನ ಬಳಿಯಲ್ಲಿ .

ಮಸಕು ಬೆಳಕಾಗುವದು
ಎಲೆ ಹೆಣ್ಣೇ ನೀ
ನಗುವ ಬೀರುವಾಗ .

ಸಂತಸದ ಶೆಲೆ ಅಹುದು
ಮನ ತಣಿಸುವ ಕಲೆ ಅಹುದು
ಏನೆಲ್ಲಾ ಆಗಿಹುದು
ನಿನ್ನ ಹೂಗೆಯ
ನಿನ್ನ ಕುಡಿ ನೋಟ .

--

ಎಂಥ ಹಂಬಲ ಗೆಳತಿ ನಿನ್ನೀ

2009-07-21T01:17:00.001-07:00

ಎಂಥ ಹಂಬಲ ಗೆಳತಿ ನಿನ್ನೀ
ಮನದಾಳದ ಭಾವಗಳಿಗೆ
ಚಂದ್ರನ ಬರುವಿಕೆಗಾಗಿ
ಹಂಬಲಿಸುವ ಆ
ಸಾಗರದ ಅಲೆಗಳಂತೆ ,
ಎನಿತು ಕಾತರ ನಿನಗೆ
ನಿನ್ನ ಈ ಭಾವಗಳಿಗೆ .

ಭಾಸ್ಕರನ ಬರುವನ್ನೇ
ಕಾಯುತಿರುವ ಆ
ಸೂರ್ಯಕಾಂತಿಯಂತೆ .
ಏನು ತವಕ ಗೆಳತಿ
ನಿನ್ನ ಈ ಭಾವಗಳಿಗೆ .
ದುಂಬಿ ತಾ ಮಕರಂದಕ್ಕೆ
ತವಕಿಸುವಂತೆ
ಎಷ್ಟು ಹಂಬಲ ಗೆಳತಿ
ನಿನ್ನ ಈ ಕಣ್ಣ ನೋಟಕ್ಕೆ .

ಮೋಡ ತಾ ಮಳೆಯಾಗಿ
ಸುರಿಯಲು ಹಂಬಲಿಸುವಂತೆ
ನನ್ನ ಬರುವಿಕೆಗಾಗಿ
ನಿನ್ನ ಈ ಹಂಬಲ
ಕರುಡ ತಾ ಕಣ್ಣುಗಳಿಗಾಗಿ
ಹಂಬಿಲಿಸುವಂತೆ .

ನನಗಾಗಿ ಕಾಯುವ
ನಿನ್ನೀ ಹಂಬಲ
ರಾಧೆ ತಾ ಕೃಷ್ಣನಿಗೆ
ಕಾಯುವಂತೆ
ನದೀ ತಾ ಸಾಗರಕ್ಕಾಗಿ
ಹಂಬಿಲಿಸುವಂತೆ .
ಎಷ್ಟು ಹಂಬಿಲಿಸುವೆ ಗೆಳತಿ
ಪತ್ರಕ್ಕಾಗಿ ,ಫೋನಿಗಾಗಿ
ನನಗಾಗಿ ನನ್ನ ಬರುವಿಕೆಗಾಗಿ .

--

ಹೊತ್ತು ಗೊತ್ತು ನೋಡದವಳು

2009-07-21T00:58:00.001-07:00

ಹೊತ್ತು ಗೊತ್ತು ನೋಡದವಳು
ಮಾತು ಮಾತಿಗೆ ಕಾಡುವವಳು
ಸಿಕ್ಕರೂ ಸಿಗದವಳು
ನಕ್ಕರೂ ನಗದವಳು
ಮೂರ್ಹೊತ್ತು ಹುಸಿಕೋಪ
ಹೊತ್ತು ತಿರುಗುವವಳು .
ಪಕ್ಕದಲ್ಲೇ ಕೂಡುವವಳು
ಏನೆಲ್ಲಾ ಕಾಡುವವಳು
ಎಲ್ಲೇ ಹೋದೆ ನೀನು
ನನ್ನ ತೊರೆದು .......

--

ಹೂ ಬಿಸಿಲ ಆಲಯದಿ ಮೈತುಂಬಿ ಅರಳಿರುವ

2009-07-21T00:51:00.001-07:00

ಹೂ ಬಿಸಿಲ ಆಲಯದಿ ಮೈತುಂಬಿ ಅರಳಿರುವ
ಪುಷ್ಪವದು ನೋಡಲ್ಲಿ ನಗುತಲಿಹುದು.

ಕೋಮಲ ಹಸ್ತದಿ ಹರಸಿ ಬೆಳಸಿದ ಗಿಡವು
ಮೈದುಂಬಿ ಫಲವ ಕೊಡುತಿಹುದು.

ಸಾವಿರ ಕಣ್ಣಿಗೆ ಸುಗ್ಗಿಯ ನೋಟವನು
ಹಿಗ್ಗು ಹಿಗ್ಗುತಲಿ ಕೊಡುತಲಿಹುದು .

ನೀನಿತ್ತ ಆಸರೆಯು ನೀ ತುಂಬಿದ ಭರವಸೆಯು
ಜೀವಂತಿಕೆಯ ಪುಂಜವಾಗಿ ಬೆಳೆದು ನಿಂತಿಹುದು.

ಹುಣ್ಣಿಮೆಯ ಚಂದಿರಗೆ ನನ್ನ ಜೊತೆ ಪೈಪೋಟಿ
ನೀ ಕೊಟ್ಟ ಸೊಬಗ ಅರಿತು ನೋಡು .

ನೀ ಕೊಟ್ಟೆ ಎಲ್ಲವನು ನಾ ಪಡೆದೇ ಎಲ್ಲವನು
ಕಾಲ ಸರಿಯಿತು ಹಾಗೇ ಹಗಲು ಇರಳು .

ಕಾಲಾಂತರಾಳದಲಿ ನನಗೆ ಕವಿದ ಮಂಕು
ನನ್ನ ಸೌಂದರ್ಯವನೇ ಅಳುಕಿಸಿತ್ತು .

ನಿನ್ನ ಪ್ರೀತಿಯ ಹೂ ಬಳ್ಳಿ ಬಾಡಿಹೊಗುವಾಗ
ಅರಿಯದಯೇ ಹಾಯಾಗಿ ಕುಳಿತೆ ನೀನು.

ನನ್ನ ನಾ ಕಳೆಯುದಕೆ ನೀ ತಾನೇ ಹೊಣೆಗಾರ್ತಿ
ಏನೊಂದೂ ಅರಿಯದ ಮುಗ್ಧ ನಾನು .

ಭರವಸೆಯ ನೂಕದಿರು ಹಾರೈಕೆ ಹರಿಯದಿರು
ಪ್ರೀತಿಯನು ತೊರೆಯದಿರು ನನ್ನ ನೀ ಮರೆಯದಿರು.

ನೀನು ಬೆಳೆಸಿದ ಬಳ್ಳಿ ಬಾಡಿ ಹೋಗುವ ಮುನ್ನ
ಮನಸಾರೆ ಅದನೊಮ್ಮೆ ಅಪ್ಪಿಕೊಳ್ಳು .

ಮತ್ತೊಮ್ಮೆ ಬಾಡದಂತೆ ಬಚ್ಚಿಟ್ಟು ಕೊಳ್ಳು
ಇನ್ನೊಮ್ಮೆ ಕಳೆಯದಂತೆ ಕಾಪಾಡು ಕೊಳ್ಳು .

--

ಪ್ರೇಮ ಮುಚ್ಚ್ಚಿಟ್ಟರೂ

2009-07-20T23:37:00.001-07:00

This song is the Translation(bhaavaanuvaada) of hindi song (Ishq chupta nahin chupaane se) from Bewafaa movie...

ಪ್ರೇಮ ಮುಚ್ಚ್ಚಿಟ್ಟರೂ
ಮುಚ್ಚ್ಚಿ ಡಲಾಗದು ಗೆಳತಿ
ಪ್ರೇಮಿ ನಾನೆಲೆ ನಿನಗೆ
ಸನಾತನದಿಂದ
ತಡೆಯದಿರೆನ್ನ ಹತ್ತಿರ
ಸುಳಿಯದಂತೆ .
ನೀ ನನ್ನ ತೊರೆದು
ಹೋಗದಿರು
ಈ ನನ್ನ ಮನಸ್ಸನ್ನ
ಮುರಿಯದಿರು .
ಬಹಳ ಕೇಳಿದ ನಂತರ
ಒಪ್ಪಿ ಬಂದಿರುವೆ
ಕಳೆದು ಹೋಗದಿರು
ಮತ್ತೆ ನೆಪವ ಹೂಡಿ .
ಪ್ರೇಮಿ ನಾನೆಲೆ ನಿನಗೆ
ಸನಾತನದಿಂದ.
ಜೀವ ತಾ ಹೋಗುವದು
ನೀ ನನ್ನ ತೊರೆಯುದರಿಂದ
ನಿನಗಾಗಿ ಕಾತರಿಸಿ ಕಾಯುತಿರುವೆ
ನಿನ್ನನೇ ಹುಡುಕುತಿಹವು
ನನ್ನೀ ಕಣ್ಣುಗಳು ಎಲ್ಲಕಡೆಗು.
ನಿನ್ನ ನೋಡಿ ಜೀವಿಸುವೆ
ನಿನ್ನ ನೋಡಿ ಸಾಯುವೆ
ಪ್ರತಿಕ್ಷಣ ನಿನ್ನನೇ
ನೆನೆಯುತಿರುವೆ .
ಮರೆಯುವದರಿಂದ
ಮರೆಯಲಾಗದು ಗೆಳತಿ .
ಪ್ರೇಮಿ ನಾನೆಲೆ ನಿನಗೆ
ಸನಾತನದಿಂದ .

Movie:- Bewafa
Singer:- Abhijeet
Lyrics:- Sameer

Ishq chupta nahin chupaane se
Ishq chupta nahin chupaane se
Tera aashiq hoon main zamaane se (3)

Rok na mujhko paas aane se
Rok na mujhko paas aane se
Tera aashiq hoon main zamaane se (3)

Ishq chupta nahin chupaane se

Ab mujhe **** ke na jaana tum
Dil mera tod ke na jaana tum
Ab mujhe **** ke na jaana tum
Dil mera tod ke na jaana tum
Tum to aaye ho manaane se
Kho na jaana kisi bahaane se
Jaan jaati hai tere jaane se
Jaan jaati hai tere jaane se

Tera aashiq hoon main zamaane se
Tera aashiq hoon main zamaane se
Ishq chupta nahin chupaane se

Mehboob, mehboob, mehboob, mehboob
Mere mehboob kya tumhe hai khabbar
Har jagah tumko dhoondti hai nazar
Mere mehboob kya tumhe hai khabbar
Har jagah tumko dhoondti hai nazar
Dekh ke tumko jeeta marta hoon
Har ghadi yaad tumko karta hoon
Bhool sakta nahin bhulaane se
Bhool sakta nahin bhulaane se

Tera aashiq hoon main zamaane se
Tera aashiq hoon main zamaane se

Ishq chupta nahin chupaane se
Tera aashiq hoon main zamaane se
Rok na mujhko paas aane se
Tera aashiq hoon main zamaane se
Tera aashiq hoon main zamaane se

Ishq chupta nahin chupaane se
Ishq chupta nahin chupaane se

--

ನೆನಪಿಲ್ಲವೇ ?

2009-07-20T07:12:00.001-07:00

ನೆನಪಿಲ್ಲವೇ ? ನಿನಗೆ
ನೆನಪಿಲ್ಲವೇ
ನನ್ನ ನಿನ್ನ ಮಧುರ ಮಿಲನ
ಸವಿ ಜೇನಿನ ರಸದ ಕ್ಷಣ
ನೆನಪಿಲ್ಲವೇ ?

ತಂಗಾಳಿಯ ತಂಪಿನಲ್ಲಿ
ಬಿಸಿಯುಸಿರಿನ ಸನಿಹದಲ್ಲಿ
ಬಿಗಿಯಾದ ಬಂಧನದಲ್ಲಿ
ತಬ್ಬಿ ಹಿಡಿದು ಮುತ್ತಿಟ್ಟ
ಘಳಿಗೆ ನಿನಗೆ ನೆನಪಿಲ್ಲವೇ ?

ತುಂಬ ತೋಳ ತೆಕ್ಕೆಯಲ್ಲಿ
ತಬ್ಬಿ ಹಿಡಿದ ಬಳ್ಳಿಯಂತೆ
ಜಗವ ಮರೆತ ಹಿಡಿತದಲ್ಲಿ
ಪಡೆದ ಆ ಸುಖದ ನೆನಪು
ಬರಲಿಲ್ಲವೇ ನಿನಗೆ
ಬರಲಿಲ್ಲವೇ ?

ನನ್ನ ತಲೆಯ ಕೇಶದಲ್ಲಿ
ನಿನ್ನ ಬೆರಳ ತೂರಿ
ಚುಂಬಿಸಿದ್ದು ನಿನಗೆ
ನೆನಪಿಲ್ಲವೇ ?

ನನ್ನ ಕಂಗಳಲ್ಲಿ ನೀನು
ನಿನ್ನ ರೂಪನೋಡಿಕೊಂಡು
ಆನಂದದಿ ಅತ್ತಿದ್ದು
ನೆನಪಿಲ್ಲವೇ ?

ಅಲೆಗಳಬ್ಬರದಿ ದಡಕೆ
ಮುತ್ತಿಡುವದ ಕಂಡು
ನೀ ನನಗೆ ಮನಸಾರೆ
ಮುತ್ತಿಟ್ಟದ್ದು
ನೆನಪಿಲ್ಲವೇ ?

ಮನೆಯಲ್ಲಿಯೇ ಕುಳಿತು
ಆಕಾಶದೆತ್ತರದ ಕನುಸುಗಳ
ಹೆನೆದದ್ದು ನಿನಗೆ
ನೆನಪಿಲ್ಲವೇ ?

ಸೌಭಾಗ್ಯದ ಸವಿಯನ್ನು
ಸಲ ಸಲವೂ ಹೀರುತ್ತಾ
ನಾವು ಹೀಗಿಯೇ
ಇರೋಣ ಎಂದದ್ದು
ನೆನಪಿಲ್ಲವೇ ?

ಸಾವಿನ ಸಮಯದಲಿ
ನನ್ನ ಪ್ರೀತಿಯ ಸವಿಯ
ಮರೆಯದೇ ಬದುಕುವೆನು
ಎಂದು ಹೇಳಿದ ಮಾತು
ನಿನಗೆ ನೆನಪಿಲ್ಲವೇ ?

ಸಾಗರದ ಆಳದಲಿ
ಆಕಾಶದೆತ್ತರದಲಿ
ನಮ್ಮ ಪ್ರೀತಿಯ ಕುರುಹ
ಕಾಯ್ದಿಡುವ ಮಾತು
ನೆನಪಿಲ್ಲವೇ ?

ಇಬ್ಬರೂ ಒಂದಾಗಿ
ದೂರ ತೀರವ ಸೇರಿ
ಹಾಯಾಗಿ ಸುಖಿಸುವ ಮಾತು
ನೆನಪಿಲ್ಲವೇ ?

ಬಂಗಾರ ಬೇಡವೆಂದು
ಬಾಹು ಬಂಧನವೇ ಸಾಕೆಂದು
ತಬ್ಬಿ ಹಿಡಿದ ಭಂಗಿ
ನೆನಪಿಲ್ಲವೇ ?

ಹೊತ್ತುಗಳ ಎನಿಸದೆಯೇ
ಮುತ್ತುಗಳ ಕೊಟ್ಟವಳು
ಕನಸ ಹಂದರದಲ್ಲೇ
ನನ್ನ ಕಂಡವಳು .
ಏನೆಲ್ಲಾ ಬೇಡಿದವಳು
ಹ್ಯಾಗೆಲ್ಲ ಕಾಡಿದವಳು
ಇಷ್ಟೆಲ್ಲಾ ಮಾಡಿದವಳು
ನೆನಪಿಲ್ಲವೇ ನಿನಗೆ
ಅದರ ನೆನಪಿಲ್ಲವೇ ?

--

ಜಾರಿ ಹೋಗುವ ಮುನ್ನ

2009-07-20T06:48:00.001-07:00

ಜಾರಿ ಹೋಗುವ ಮುನ್ನ
ಆಯ್ದುಕೊಳ್ಳೆಲೋ ಗೆಳತಿ
ಲೆಕ್ಕವಿಲ್ಲದ ಮುತ್ತುಗಳನು
ನಿನಗಾಗಿಟ್ಟುರುವೆ ಬಾಚಿಕೊಳ್ಳು
ಹೊತ್ತುಹೋಗುವ ಮುನ್ನ
ಪಡೆದುಕೊಳ್ಳು ಮುತ್ತ .
ನಿನ್ನ ಹೃದಯದಲಿ
ಬಚ್ಚಿಟ್ಟು ಕೊಳ್ಳೋ .
ಅಕ್ಕರೆಯ ಮುತ್ತುಗಳಿವು
ಸಕ್ಕರೆಯ ಸವಿಗಳಿವು
ಜಾರಿಹೋಗುವ ಮುನ್ನ
ಎತ್ತಿಕೊಳ್ಳೆ .

--

ಕೇಳಿ ತಿಳಿಯಲೋ ಜೀವಿ

2009-07-20T06:40:00.001-07:00

ಕೇಳಿ ತಿಳಿಯಲೋ ಜೀವಿ
ನೋಡಿ ಕಲಿಯಲೋ
ಕ್ಷೀರ ಸಾಗರದಂತ ಮಧ್ವ ಮತವ
ಅರಿತು ನಡೆಯಲೋ ಜೀವಿ
ಸುಖಿಸಿ ಬದುಕೆಲೋ .

ದೈವ ಸತ್ಯ ಜಗವು ಸತ್ಯ
ಎಂದು ಸಾರಿ ಹೇಳೆಲೋ
"ಬಿಂಬ" ಅವ "ಪ್ರತಿಬಿಂಬ" ನಾವೆಂದು
ಸ್ಮರಿಸಿ ಬದುಕೆಲೋ.

ಇಲ್ಲ ಸಲ್ಲದ ನೂರು ಮತವ
ತೊರೆದು ಬದುಕೆಲೋ
ಹೊತ್ತಿಗೊದುಗುವ ಮಧ್ವ ಮತವ
ಅನುಸರಿಸಿ ನಡೆಯಲೋ .

ಮೋಸ ಹೋಗದಿರೆಲೋ ಜೀವಿ
ಕುಮತವಗಳ ಸಂಭ್ರಮವ ಕಂಡು
ದಾರಿಯದು ನರಕದೆಡೆಗೆ
ಎಂದು ತಿಳಿಯಲೋ .

ವ್ಯರ್ಥಮಾಡದೇ ಇರುವ
ಸಮಯವ ಸಾರ್ಥಕ ಗೊಳಿಸೆಲೊ.

--

ದಡವರಿಯದ ಕಡಲಿನಲಿ

2009-07-20T06:07:00.001-07:00

ದಡವರಿಯದ ಕಡಲಿನಲಿ
ದಣಿವರಿಯದ ದೋಣಿಯೊಂದು
ಸಾಗುತಿಹುದು ಸುಮ್ಮನೆ.
ಭೋರ್ಗರೆಯುವ ಜಲದ ಮೇಲೆ
ಉಕ್ಕಿಬರುವ ತೆರೆಯ ಮೇಲೆ
ಸಾಗುತಿಹುದು ಸುಮ್ಮನೆ .
ಬೀಸುವ ಬಿರುಗಾಳಿಗೂ
ಮೈ ಕೊರೆಯುವ ಚಳಿಗೂ
ಒಳಗಾಗದೆ ಎಲ್ಲಿಯೂ
ಸಾಗುತಿಹುದು ಸುಮ್ಮನೆ.
ಬೆಳಕು ನೀಗಿ ಕತ್ತಲಾಗಿ
ಕತ್ತಲ್ಹೋಗಿ ಬೆಳಕಾಗಿ
ಸಮಯ ಸರಿದು ಹೋದರೂ
ಸಾಗುತಿಹುದು ಸುಮ್ಮನೆ .
ಗುರಿಯೂ ಇಲ್ಲ ,ದಿಕ್ಕೂ ಇಲ್ಲ
ಸಾಗುತಿಹುದು ಸುಮ್ಮನೆ
ಮನವು ಮಾತ್ರ ಭಕ್ತಿಯಿಂದ
ಸ್ಮರಿಸುತಿಹುದು ಅವನನೇ .
--

ನಕ್ಕು ಬಿಡು ನಲ್ಲೇ

2009-07-20T05:37:00.001-07:00

ನಕ್ಕು ಬಿಡು ನಲ್ಲೇ
ಬಳ್ಳಿ ಯಲ್ಲಿಯ ಹೂ
ದುಂಬಿ ನೋಡಿ ನಕ್ಕಂತೆ
ನಕ್ಕು ಬಿಡು ನೀನು
ಆ ನೋವ ಮರೆತೊಮ್ಮೆ
ನಕ್ಕು ಬಿಡು ಒಮ್ಮೆ
ಮುತ್ತುಗಳು ಚೆಲ್ಲಿದಂತೆ
ನಕ್ಕುಬಿಡು ಒಮ್ಮೆ .
--

ಪ್ರಜ್ವಲಿಸು ಮನಸೇ

2009-07-20T05:19:00.001-07:00

ಪ್ರಜ್ವಲಿಸು ಮನಸೇ
ಸಂಕಲ್ಪ ಶಕ್ತಿಯ
ನಂದಾದೀಪವನು.
ಬೆಳಗುವದು
ಕೊನೆಯವರೆಗೂ
ನಿನ್ನಾತ್ಮ ಶಕ್ತಿಯಾಗಿ .
ಇಚ್ಚ್ಹೆ ಯನು ಬಲ್ಲವಳು
ಕೊರೆತೆಯನು ಗೆಲ್ಲುವಳು
ಬರಲಿ ಮನಸಿನಾಳದಿಂದೊಮ್ಮೆ
ಆ ಸುನಾಮಿ ಅಲೆ .
ಕೊಚ್ಚಿ ಹೋಗಲಿ ಭಯ
ಸರಿದು ಬೀಳಲಿ ನಿರಾಸೆ
ಇಲ್ಲದಾಗಲಿ ಅದಾವ ಅಳುಕು
ನಿನ್ನೀ ಇಚ್ಚ್ಹಾ ಶಕ್ತಿಯೆದುರು .
ಬರಲಿ ನವ ವಸಂತ
ಹೊಸತೆಲ್ಲ ಬಂದು ಕುಣಿಯಲಿ
ಹಳತೆಲ್ಲ ಸವಿನೆನಪಾಗಿರಲಿ
ಬರಲಿ ಹೊಸ ವರುಷ
ತರಲಿ ಹೊಸ ಹರುಷ.

--

ಎತ್ತ ಹೋದರೂ ನೀನು

2009-07-20T04:44:00.001-07:00

ಎತ್ತ ಹೋದರೂ ನೀನು
ಮತ್ತೆ ಕರೆಯುವೆ ನಾನು
ಹೋಗದಿರು ಇನ್ನೆಂದು
ನನ್ನ ತೊರೆದು .
ದೂರ ವಾಗುವ ಬಯಕೆ
ದೂರವಾಗಲಿ ಇನ್ನು
ಹೋಗದಿರು ನೀ ದೂರ
ಇನ್ನು ಮುಂದೆ .
ಕಾನನದ ಕಣಿವೆಯಲಿ
ನದಿಯು ತಾ ಹರಿದು
ಬಂದು ಸೇರುವುದು
ಆ ಕಡಲನ್ನೇ .
ಎಲ್ಲಿ ಹೋದರೂ ನೀನು
ಮರಳಿ ಬರಲೇ ಬೇಕು
ನಿನ್ನ ಪ್ರೀತಿಯ ಸೌಧಕೆ .
ದೂರ ಸರಿಯದಿರು ಇನ್ನು
ಮಾತು ಮರಿಸದಿರು ಇನ್ನು
ತಾಳಲಾಗದು ಈ ನೋವ
ಹೇಳಲಾಗದೆಯೇ .
ಬೇಡಿಕೊಳುವುದು ಜೀವ
ನಿನ್ನ ಎಂದೆಂದೂ
ದೂರ ಹೋಗದಿರು ನೀನು
ಆ ನನ್ನ ಕೂಗು
ಕೇಳದಯೇ .

--

ಬತ್ತಬಹುದೆಲೆ ಗೆಳತಿ

2009-07-20T04:29:00.001-07:00

ಬತ್ತಬಹುದೆಲೆ ಗೆಳತಿ
ಊರ ನೀರಿನ ಭಾವಿ
ಬೆಂಬಿಡದ ಬರಗಾಲ
ಬೆನ್ನಹತ್ತಿ ಬಂದಾಗ .

ಒಣಗಬಹುದಲೇ ಗೆಳತಿ
ಅರಳಿನಿಂತ ಹೂ
ತಾ ಬಳ್ಳಿಯಿಂದ
ಬೇರ್ಪಟ್ಟು ದೂರಾದಾಗ .

ಮರೆಯಬಹುದೆಲೆ ಮನವು
ಇರುವಷ್ಟು ಸುಖವನ್ನು
ಒಟ್ಟಿರುವ ಕಷ್ಟಗಳು
ನೆರೆಬಂದು ಹರಿದಾಗ.

ಆದರೆ ಮರೆಯಲಾಗಲಿಲ್ಲ ನೋಡು
ನಾ ನಿನ್ನ ಪ್ರೀತಿಯನು
ಆ ಸವಿನೆನಪುಗಳನ್ನು
ತೊರೆಯಲಾರದೆ ಹೋದೆ
ನಾ ನಿನ್ನ ನೆನಪನ್ನು
ಹರಿಯಲಾರದೆ ಹೋದೆ
ನಾ ನಿನ್ನ ಬಂಧವನು .

--

ನಿನಗೆ ತಿಳಿಯದೇ

2009-07-20T04:13:00.001-07:00

ನಿನಗೆ ತಿಳಿಯದೇ
ನಿನ್ನ ಮನದಾಳದ
ಗಡಿಯಾರ ನಾನೇಯೆಂದು ?

ಕ್ಷಣ ಕ್ಷಣ ಕೂ
ಆ ಕ್ಷಣದ ಮುಳ್ಳಂತೆ
ನನ್ನ ಉಸಿರಾದವಳು
ನೀನಲ್ಲವೇ ?

ನಿಮಿಷದ ಮುಳ್ಳಂತೆ
ಪ್ರತಿ ನಿಮಿಷ
ನೆನಪಾಗುವ
ಆ ಅನುರಾಗ
ನಿನದಲ್ಲವೇ ?

ನಿನಗೆ ತಿಳಿಯದೇ
ನಾನೇ ನಿನ್ನ ಮನದಾಳದ
ಗಡಿಯಾರವೆಂದು.
ಗಂಟೆ ಗಂಟೆ ಗೂ
ನನ್ನ ಕಾಣಬೇಕೆಂಬ
ಹಂಬಲ ನಿನದಲ್ಲವೇ ?
ಆ ತಾಸಿನ ಮುಳ್ಳಂತೆ.

ನಿನ್ನ ಮನದಾಳದ
ಗಡಿಯಾರವೇ ನಾ
ಆ ಗಡಿಯಾರದ ಕೇಂದ್ರದ
ಸುತ್ತವೇ ನೀ ಸುತ್ತುತ್ತಿರುವೆ
ಆ ಗಡಿಯಾರದ
ಮುಳ್ಳುಗಳಂತೆ.

--

ನೀ ನೆಲ್ಲಿ ?

2009-07-20T03:17:00.001-07:00

ಸುತ್ತ ಸುಳಿದರೂ ಗಾಳಿ
ಉಸಿರು ಕಟ್ಟಿತು ಕೇಳಿ
ನನ್ನವಳಿಲ್ಲದ ಜಗದಲ್ಲಿ .

ಮರಭೂಮಿ ನೆಲದಲ್ಲಿ
ಮಲೆನಾಡಿನಷ್ಟೇ ತಂಪು
ನನ್ನವಳು ಕೈ ಹಿಡಿದು
ಜೊತೆಯಲ್ಲಿ ಇರುವಾಗ .

ಮನೆಯ ಗೋಡೆಗಳು
ನಕ್ಕು ಹೇಳವವು
ಅವಳಿಲ್ಲದ ನಾನು
"ಶೂನ್ಯ" "ಶೂನ್ಯ" .

ಪಾರ್ಕಿನಲ್ಲಿಯ ಬೆಂಚುಗಳು
ಮನೆಯಲ್ಲಿಯ ಹಂಚುಗಳು
ಕೇಳುವವು ನನ್ನನ್ನು
ಅವಳೆಲ್ಲಿ? ಅವಳೆಲ್ಲಿ ?

ಬೀಸುವ ಫ್ಯಾನ್ ಗಾಳಿಗೂ
ನಿನ್ನ ಪರಿಚಯ ಉಂಟು
ನೀನಿದ್ದರೆ ತಂಗಾಳಿ
ಇಲ್ಲವಾದರೆ ಬಿಸಿ ಗಾಳಿ.

ಹಬ್ಬದ ಹೋಳಿಗೆ
ಮನೆಯ ಮಾಳಿಗೆ
ಸೆಲ್ಫ್ ನಲ್ಲಿರುವ ಪುಸ್ತಕ
ದೇಹದಲ್ಲಿರುವ ಮಸ್ತಕ
ಎಲ್ಲ ಕೇಳುವವು ನನ್ನ
ಅವಳೆಲ್ಲಿ ? ಅವಳೆಲ್ಲಿ ?

ನಾ ನಿನ್ನ ಕೇಳುವೆ ಚಲುವೆ
ನೀ ಹೇಳು ನೀನೆಲ್ಲಿ ನೀನೆಲ್ಲಿ ?

ನೀ ಬಾಚಿಕೊಳ್ಳುವ ಹನಿಗೆ
ನೀ ನೋಡಿಕೊಳ್ಳುವ ಕನ್ನಡಿ
ಕೇಳುವವು ನನ್ನ
ಅವಳೆಲ್ಲಿ ? ಅವಳೆಲ್ಲಿ ?

ನೀನಿಲ್ಲದಿರೆ ನಾನಿಲ್ಲ
ನಾನಿಲ್ಲದಿರೆ ನೀ ನಿಲ್ಲ
ನಾವಿಲ್ಲದಿರೆ ಬದುಕಿಲ್ಲ
ಈಗ ನೀ ಹೇಳು ಗೆಳತಿ
ನೀ ನೆಲ್ಲಿ ?

--

ಬದುಕು ಹಸನಾಗಬೇಕು

2009-07-20T02:17:00.001-07:00

ಬದುಕು ಹಸನಾಗಬೇಕು
ಅದು ಹೊಳೆಯಾಗಿ
ಹರಿಯಬೇಕು.
ಎಲ್ಲವೂ ಅದರಲ್ಲಿ
ಬೆರೆಯಬೇಕು
ಅದು ನಿಲ್ಲಬಾರದು
ನಿಂತು ನಾರಬಾರದು
ಹರಿಯುತ್ತಿದ್ದರೆ ನದಿ
ಇಲ್ಲವಾದರೆ ಅದು
ಬೇಡವಾದ ಬದಿ.
ನೀ ತಂಪಿಗೆ ಮಂಜಾಗು
ಆದರೆ
ಬಿಸಿಗೆ ನೀ ಕರಗಲೇಬೇಕು .
ಬಿಸಿಗೆ ತಾಗಿ ಬಿಸಿಯಾಗು
ಆದರೆ ತಣ್ಣೀರು
ನಿನ್ನ ತನ್ನಗಾಗಿಸುವದೆಂದು
ನೀ ಮರೆಯದಿರು.
ಬೇಡವಾದರೂ ಬೇಕಾಗು
ಯಾಕೆಂದರೆ
ಬೇಡವಾಗುವದಿಕ್ಕಿಂತಲೂ
ಬೇಕಾದವಳು ನೀ .
ತಿಳಿದಿದ್ದು ಸ್ವಲ್ಪ
ತಿಳಿಯಬೇಕಾದ್ದು ಬಹಳ
ಅರಿತರೆ ಬದುಕು
ಮರೆತರೆ ಮರುಕು
ಬರಬಾರದೆಂದಿಗೂ
ಬಿರುಕು.
ಸಣ್ಣ ರಂಧ್ರವೂ ಕೂಡ
ಹಡುಗು ಮುಳಗಿಸಬಹಿದು
ಆದರೆ ಚಿಕ್ಕ ಆಸರೆ ಕೂಡ
ದಡವ ಮುಟ್ಟಿಸಬಹುದು .
ಇಲ್ಲಿ ಹೀಗೆ
ಎಲ್ಲ ದ್ವಂದ್ವಗಳು
ಅದರ ಮಧ್ಯೆ
ಹುಡುಕಬೇಕು
ಸಮನ್ವವಯದ
ಸಹ ವಲಯಗಳನು.
ಏರಿಳಿತದ ಮಧ್ಯೆ
ಸ ರಿ ಗ ಮ
ಅದಾಗಲೇ ಸಂಗೀತ
ಅದನ್ನರಿತರೆ
ಸಂಭ್ರಮ.

--

ನನ್ನ ಮನಸು ಏಕೋ ಏನೋ....

2009-07-20T01:16:00.001-07:00

ನನ್ನ ಮನಸು
ಏಕೋ ಏನೋ
ನನಗೆ ತಿಳಿಯದಾಗಿದೆ.
ಕಡಲ ತಡಿಯಲಿ
ಹಡುಗು ಕಾಯುತ
ನಿಂತ ನಾವಿಕನಂತಿದೆ.
ಏನೋ ವಿರಹ
ಇನಿಯನಿಲ್ಲದ ಸನಿಹ
ಕಾಯುತಿದೆ ಎನ್ನ ತನು
ಪ್ರಿಯತಮನಪ್ಪಲು.

ನನ್ನ ಮನಸು
ಏಕೋ ಏನೋ
ನನಗೆ ತಿಳಿಯದಾಗಿದೆ.
ಮದುವೆ ಯಾಗಿದೆ
ಬಂಧ ಬೆಳೆದಿದೆ
ಕೈ ಗೆ ಸಿಕ್ಕರೂ
ಹೀಗಿಯೇ ಈ ವಿರಹ
ಎಂದಿನಂತಿದೆ.

ಎಲ್ಲಿ ಕುಳಿತರೂ
ಎಲ್ಲಿ ಹೋದರೂ
ಮನಸು ಭಾರವಾಗಿದೆ
ಗಂಡ ನಿಲ್ಲದ ಘಳಿಗೆಯಲ್ಲಿ
ಗಂಟೆ ಕೂಡ ಕಳೆಯದಾಗಿದೆ.

ನನ್ನ ಮನಸು
ಏಕೋ ಏನೋ
ನನಗೆ ತಿಳಿಯದಾಗಿದೆ.
ಮನಸು ಅರಳಿದೆ
ಭಾವ ಸ್ಫುರಿಸಿದೆ
ನನ್ನ ಇನಿಯನ ನೆನೆದಿದೆ .
ಏನೇ ಆಗಲೀ
ಎಲ್ಲೇ ಹೋಗಲೀ
ಇನಿಯ ಜೋತೆಗಿರಲೆಂದು
ಮನವು ಬಯಸಿದೆ .
--

ಶ್ರೀ ರಾಘವೇಂದ್ರ

2009-07-20T01:03:00.001-07:00

ಇನ್ನು ಸಂಶಯ ವಿಲ್ಲವೋ
ನೀ ನನ್ನ ಗುರುವಾದಮೇಲೆ

ಭೇದ ನನಗಿಲ್ಲೆಂದು
ಬಲು ಹಮ್ಮಿನಿಂದಲೇ
ಮೆರೆದಾಡಿ ಬಂದಿಹೇನೋ
ಗುರು ನಿನ್ನ ಬಳಿಗಿಂದು.
ಸರಿದಾರಿ ತೋರಿರುವೆ
ಕೈ ಹಿಡಿದು ನಡೆಸಿರುವೆ .

ಭೇದ ವಿಲ್ಲಿಹುದು
ಮುಕ್ತಿಯಾನಂದಕ್ಕಿಲ್ಲ
ಎಂದೆನುತ ತಿರು ತಿರುಗಿ
ವ್ಯರ್ಥಗೊಳಿಸಿದೆ ಸಮಯ
ಈ ತನಕ ನಾನು .

ನೀ ಬಂದು ಅರುಹಿದೆ
ಸರಿಯಾದ ಜ್ಞಾನವನು.

ಭಗವಂತ ಗುಣಪೂರ್ಣ
ಬ್ರಹ್ಮ ಭೂಮಿ ಗಳೆರಡೂ ಸತ್ಯ
ನಾವೆಲ್ಲಾ ದಾಸರು
ಅವನಮ್ಮ ಪ್ರಭು
ಜ್ಞಾನ ಗೂಡಿದ ಭಕ್ತಿಯೇ
ಮುಕ್ತಿಗೆ ಸಾಧನವೂ.
ಪರಮಾತ್ಮನ ಪ್ರಸಾದವೇ
ಸಕಲದೆಲ್ಲದಕೂ .
ಎಂದು ಅರುಹಿದ ನಿನಗೆ
ಕೋಟಿ ನಮನ
ಶ್ರೀ ರಾಘವೇಂದ್ರ .
--

ನಿನ್ನ ಕಣ್ಣಿನ ನೋಟ

2009-07-20T00:50:00.001-07:00

ನಿನ್ನ ಕಣ್ಣಿನ ನೋಟ
ನಿನ್ನ ಮೈಯ ಮಾಟ
ಕುಣಿಸುತಿಹುದು ಮನವನೇ.
ನಿನ್ನ ಸುಗ್ಗಿಯ ಹಾಡು
ಅದು ಆನಂದದ ಬುಗ್ಗೆ .
ನಿನ್ನ ಹೂ ನಗೆ
ಅರಳಿಸುವುದು ಹೂ ವನೇ.
ನಿನ್ನ ಈ ನಾಚಿಕೆ
ಕುಣಿಸುತಿಹುದು ನವಿಲನೆ .
ನಿನ್ನ ಪ್ರೀತಿಯ ಕೂಗು
ಸೆಳೆಯುತಿಹುದು ನನ್ನನೇ.
ಏನು ನಿನ್ನಯ ಮೋಹ
ಎಂಥ ನಿನ್ನಯ ಕಾಮ
ಕಾಡುತಿಹುದು ನನ್ನನೇ.
ನಿನ್ನ ಕಣ್ಣು
ನನಗೊಂದು ಕಾವ್ಯ
ನಿನ್ನ ಮಾತು
ನನಗೊಂದು ಗ್ರಂಥ
ನಿನ್ನ ಪ್ರೀತಿಯೇ
ನನಗೊಂದು ಸಾಗರ.
--

ಸುಖವೆಂಬುದಿಲ್ಲ ಮರುಳೆ

2009-07-20T00:31:00.001-07:00

ಸುಖವೆಂಬುದಿಲ್ಲ ಮರುಳೆ
ದುಃಖವೇ ನೋಡಾ
ತಿಳಿದು ನೋಡಿದರೆ .
ತಿಳಿದೂ ತಿಳಿದೂ
ಮಾಡಿದ ತಪ್ಪನೇ
ಮಾಡುತಿರುವೆ
ಏನೂ ತಿಳಿಯದಂತೆ .
ಮಾತಿಗೆ ನಿಲುಕದ
ಸತ್ಯವದಂತೆ
ಬರೀ ಮಾತನಾಡಿ
ಸಮಯ ಕಳೆಯುತಿರುವೆ .
ಸಂಸಾರದ ಬೇಗೆಯಲಿ ಬೆಂದು
ಹಣ್ಣಾಗಿ ಹೋಗಿರುವೆ .
ಗುರಿ ಮರೆತವರ
ದಾರಿಗಳೇ ಹೀಗೆ .
ದಿಕ್ಕಿಲ್ಲದೇ ಅಲೆಯುವದು
ದಿಕ್ಕುಗಾಣದೆ ಕೊರಗುವದು
ಮಾಡಿದ ತಪ್ಪ ನೇ ಮಾಡುವದು
ಕೊನೆಗೆ ಗುರಿಯನೆ
ಮರೆತು ಮಲಗುವದು.

--

ಏನು ಹೇಳಲಿ ನಿನಗೆ

2009-07-16T06:34:00.001-07:00

ಏನು ಹೇಳಲಿ ನಿನಗೆ
ನನ್ನೆದೆಯ ನೋವನ್ನು
ಸಾಕಿನ್ನು ಬಿಟ್ಟುಬಿಡು
ಅದರ ಪಾಡಿಗೆ ಅದನ್ನು .

ನೀರಲ್ಲೇ ಹುಟ್ಟಿ
ನೀರಲ್ಲೇ ಬೆಳೆದು
ನೀರಲ್ಲೇ ಸತ್ತು
ಕರಗುವ ಮೀನಿಗೆ
ನೀರೆಂದರೇನು
ತಿಳಿಯುವದೇ ಇಲ್ಲಾ .

ಬಚ್ಚಿಡಲಾರದೆಯೇ
ಬಿಚ್ಚಿ ಡಲಾರದೆಯೇ
ಮಿಡುಕಾಡುತಿಹವು
ನನ್ನೀ ..ನೋವುಗಳು.

--
ಸತ್ಯಾತ್ಮ

ಬೆಳದಿಂಗಳ ಬೆಳಕಂತೆ

2009-07-16T06:28:00.001-07:00

ಬೆಳದಿಂಗಳ ಬೆಳಕಂತೆ
ಚಂದಿರನ ತಂಪಂತೆ
ನಕ್ಷತ್ರದ ಹೊಳಪಂತೆ
ಬೆರಗಾಗಿ ನೋಡುವ ನೀನು,
ಕಮಲದಂತೆ ಕಣ್ಣರಳಿಸಿ
ನನ್ನ ಇಡೀ ಜೀವನವನೇ
ಹಿಡಿದು ಬಿಟ್ಟವಳು ನೀನು.
ಸನ್ಯಾಸಿ ಯಂತವನನ್ನು
ಸಂಗಾತಿಯಾಗಿಸುವ ಶಕ್ತಿ
ಈ ನಿನ್ನ ಕಣ್ಣ ನೋಟಕ್ಕಿದೆ .
--
ಸತ್ಯಾತ್ಮ

ಒತ್ತಾಯದ ಪ್ರೀತಿ ಈ ಜಗತ್ತಿನಲ್ಲಿ ಯಾರನ್ನೂ ಸುಖವಾಗಿಟ್ಟಿಲ್ಲ

2009-07-16T06:07:00.001-07:00

ನಲ್ಮೆಯ ಅಪ್ಪಿ ,

ನಾವಿಬ್ಬರೂ ಒಬ್ಬರೊನ್ನೊಬ್ಬರು ಪ್ರಾಣಕಿಂತ ಹೆಚ್ಚಾಗಿ ಪ್ರೀತಿಸಿದವರು .ಸ್ವಾರ್ಥ ಅನ್ನೋದು ನಮ್ಮಿಬ್ಬರ ಹತ್ತಿರ ಯಾವಾಗಲೂ ಸುಳಿಯಲಿಲ್ಲ .ಜೀವಕ್ಕೆ ಜೀವ ಕೊಡುವಂತ ಪ್ರೇಮಿಗಳು ಅಗಲಬಾರದು .ಬೇರೆಯಾಗಿ ಜೀವನ ಪರ್ಯಂತ ಕೊರಗಬಾರದು .ಇದು ನಾನು ಬರೆಯುತ್ತಿರುವ ಕೊನೆಯ ಪತ್ರ .ಈ ಕಾಲ ಮಿಂಚಿ ಹೋದರೆ ಇನ್ನೆಂದೂ ನಮಗೆ ಈ ಅವಕಾಶ ಸಿಗುವದಿಲ್ಲ .ನೀನು ಬರೀ ಪ್ರಶ್ನೆಗಳ ಸುಳಿಯಲ್ಲಿ ಸಿಲುಕಿ ಸಾಯಬೇಡ .ಪ್ರೀತಿ ಇರಬೇಕಾದರೆ ಪ್ರಶ್ನೆಗಳಾಗಲಿ, ಸಂಶಯಗಳಾಗಲಿ, ಅಧೀರತೆಯಾಗಲಿ ,ಭದ್ರತೆಯ ಕೊರೆತೆಯಾಗಲಿ ಎದ್ದು ಕಾಣಬಾರದು .ನಾವಿಬ್ಬರೂ ಜಗಳ ಆಡ್ತೀವಿ ನಿಜ ಆದರೆ ಗುಲಾಬಿ ಹೂ ನೊಂದಿಗೆ ಮುಳ್ಳು ಕೂಡ ಇರುತ್ತೆ ಅನ್ನೋದು ಮರೆಯಬೇಡ .

ಈ ತಿಂಗಳ ಕೊನೆಯವಾರದಲ್ಲಿ ಬೇರೊಬ್ಬನೊಂದಿಗೆ ನಿನ್ನ ಮದುವೆ ಫಿಕ್ಸ್ ಆಗಿದೆ .ಇಲ್ಲಿಯವರೆಗೆ ಅದೇನೇ ಆಗಿದ್ದರೂ ನಾವಿಬ್ಬರೂ ಯಾವತ್ತೂ ಒಬ್ಬರಿಗೊಬ್ಬರು ಕೇಡು ಬಯಸಲಿಲ್ಲ . ನೀನು ನಿನ್ನ ನಿರ್ಧಾರದಲ್ಲಿ ದುಡುಕ್ಕುತ್ತಾಯಿದ್ದಿಯ ಅಂತ ನನಗೆ ಅನ್ಸತಾಯಿದೆ .

ನಾನು ಮನಸ್ಸು ಮಾಡಿದರೆ ನಿನ್ನ ಪಡೆದುಕೊಳ್ಳೋದು ಯಾವ ಕಷ್ಟದ ಕೆಲಸುನೂ ಅಲ್ಲ .ಒಂದೇ ಒಂದು ದಿನ ಸಾಕು .ನಾನು ನಿನ್ನನ್ನು ಪಡೆದುಕೊಳ್ಳಬಹುದು .ಆದರೆ ಹಾಗೆ ಮಾಡುವದಕ್ಕೆ ನನಗೆ ಇರೋ ಒಂದೇ ಒಂದು ಸಮಸ್ಸೆಯೆಂದರೆ ನಿನಗೇನೇ ನನ್ನ ಜೊತೆ ಬರೋ ಮನಸ್ಸಿಲ್ಲ !! ಅಂತ ನಿನ್ನ ಮಾತು ಮತ್ತು ವರ್ತನೆಯಿಂದ ನನಗೆ ಹಾಗೆ ಅನ್ಸತಾಯಿದೆ ಆದರೆ ನೀನು ಮಾತ್ರ ಅದನ್ನ ಸಂಪೂರ್ಣ ತಳ್ಳಿ ಹಾಕ್ತಿಯಾ . ಆದರೆ ನನಗೆ ಮಾತ್ರ ಹಾಗೆ ಅನ್ಸೋದು ಸುಳ್ಳಲ್ಲ . ಹೀಗಾಗಿ ಒತ್ತಾಯದ ಪ್ರೀತಿ ಈ ಜಗತ್ತಿನಲ್ಲಿ ಯಾರನ್ನೂ ಸುಖವಾಗಿಟ್ಟಿಲ್ಲ ಅದು ಸಾಧ್ಯವೂ ಇಲ್ಲ ಹಾಗು ಸಾಧುವೂ ಅಲ್ಲ .
ಇನ್ನೂ ಕಾಲ ಮಿಂಚಿಲ್ಲ ...
ನಿನ್ನ ಮನಸ್ಸಿನಲ್ಲಿ ನನಗಾಗಿ ಇನ್ನೂ ಆ ಪ್ರೀತಿ ಹಸಿರಾಗಿದ್ದರೆ . ಇನ್ನೊ ನಾನು ಬಯಸಿದಂತೆ ನೀನೂ ನನ್ನನ್ನ ಬಯಸುವವಳಾಗಿದ್ದರೆ .ನನ್ನ ಜೊತೆ ಸಂಪೂರ್ಣ ಜೀವನ ಕಳೆಯುವ ಆಸೆ ನಿನಗೆ ಇದ್ದರೇ ,ಕಾಲ ಮಿಂಚಿಲ್ಲ . ಜೀವನ ಪೂರ್ತಿ ಕೊರಗಿ /ಕೊರಗಿಸುವ ಈ ನಿನ್ನ ನಿರ್ಧಾರದಿಂದ ಹಿಂದೆ ಸರಿದು ,ಅದೇ ನಿನ್ನ ಜೀವದ ಜೀವ ಎಂದು ಹೇಳಿಕೊಳ್ಳುವ ನನ್ನ ಜೊತೆ ಬಾ .

ನಾನು ನಿನಗೆ ಇಷ್ಟು ಕೇಳ ಬೇಕಾಗಿಯೂ ಇರಲಿಲ್ಲ .ನಾನು ಯಾವತ್ತಿಗೂ ಯಾರನ್ನೂ ಅಂಗಲಾಚಿ ಬೇಡಿಕೊಳ್ಳುವ ಜಾಯಮಾನದ ವ್ಯಕ್ತಿ ಅಲ್ಲ ."ನಾನು ಪ್ರೀತಿಸಿದ ಗಂಡು ಹೇಡಿಯಂತೆ ನನ್ನನ್ನು ಇನ್ನೊಬ್ಬನಿಗೆ ಬಿಟ್ಟುಕೊಟ್ಟ.ಅವ ನನ್ನ ಪಡೆದುಕೊಳ್ಳ ಲಿಕ್ಕೆ ಯಾವ ಪ್ರಯತ್ನವನ್ನೂ ಮಾಡಲಿಲ್ಲ" ಅಂತ ಮುಂದೆಂದೂ ನೀನು ಕೊರಗಬಾರದು . ನಾನು ಈಗಾಗಲೇ ಸಾವಿರ ಬಾರಿ ಸಾವಿರ ರೀತಿ ತಿಳಿಸಿ ಹೇಳಿದ್ದೇನೆ .ಇದು ನನ್ನ ಕೊನೆಯ ಪ್ರಯತ್ನ .ನಿನ್ನ ಪ್ರೀತಿ ,ನಿನ್ನ ಮನಸ್ಸು ಇನ್ನೂ ನಿನ್ನ ಚಿನ್ನುವಿನಿಗಾಗಿ ಮಿಡಿಯುತ್ತಿದ್ದರೆ .ಒಂದು ಫೋನ ಮಾಡು .ನಿನಗೆ ಯಾವ ತೊಂದ್ರೆ ಯಾಗದಂತೆ ಎಲ್ಲವನ್ನೂ ನಿಭಾಯಿಸುವ ಶಕ್ತಿ ನಿನ್ನ ಚಿನ್ನುವಿಗೆ ಇದೆ ಅಂತ ನಿನಗೆ ಚೆನ್ನಾಗಿ ಗೊತ್ತು .

ನಿನ್ನನ್ನು ಪಡೆದುಕೊಳ್ಳಬೇಕು ಎನ್ನುವ ನನ್ನ ಉತ್ಸಾಹಕ್ಕೆ , ಕೆಲಸಕ್ಕೆ ತಣ್ಣೀರು ಏರುಚವಂತ ,ಯಾವಗಲೂ "ನಿನಗೆ ನನ್ನ ಪಡೆದುಕೊಳ್ಳಲಿಕ್ಕೆ ಆಸೆಯಿಲ್ಲ "ಅನ್ನುವದಾಗಿದ್ದರೆ .ನಿನ್ನಿಂದ ಯಾವ ಪ್ರತಿಕ್ರಿಯೆಯೂ ಬೇಡ .ಅಕಸ್ಮಾತ ನನ್ನ ಅನಿಸಿಕೆ ಸುಳ್ಳಾಗಿದ್ದರೆ ,ನೀನು ಆಸೆಪಟ್ಟರೆ ನಿನ್ನ ಪ್ರೀತಿ ನಿನ್ನ ಚಿನ್ನು ನಿನ್ನ ಜೊತೆ ಶಾಶ್ವತವಾಗಿ ಇರ್ತಾನೆ .

ನೀನು ಮಾಡುವ
ಪುಟ್ಟ ಹಡುಗಿಗೆ
ಆಧಾರದ ಜಲವು ನಾ
..........................
........................

ಇಂತಿ ನಿನ್ನ

ಚಿನ್ನು

ನಂಬಿಸಿದೆ ನೀ ನನ್ನ

2009-07-16T01:43:00.001-07:00

ನಂಬಿಸಿದೆ ನೀ ನನ್ನ
ಮನಸ ತೆರೆದಿಟ್ಟು
ಚುಂಬಿಸಿದೆ ನೀ ನನ್ನ
ತುಟಿಯ ಮುಂದಿಟ್ಟು .

ಪ್ರೇಮಿಸಿದೆ ನೀ ನನ್ನ
ಒಲವ ಹೂ ಮಳೆ ಸುರಿಸಿ
ಸಂತೈಸಿದೆ ನೀ ನನ್ನ
ಮಡಿಲ ಮೇಲಿರಿಸಿ.

ಮೊಹಿಸಿದೆ ನೀ ನನ್ನ
ಮನಸಲಿಟ್ಟು
ಕಾಮಿಸಿದೆ ನೀ ನನ್ನ
ತೋಳ ಬಂಧಿಯಲಿಟ್ಟು .

ತಿದ್ದಿರುವೆ ನೀ ನನ್ನ
ತಪ್ಪುಗಳ ಬದಿಗಿಟ್ಟು
ಒಪ್ಪಿರುವೆ ನೀ ನನ್ನ
ನಾನಿರುವ ಹಾಗೆ .

ಅಪ್ಪಿರುವೆ ನೀ ನನ್ನ
ರಥಿಯಾಗಿ
ಬದುಕಿರುವೆ ನೀ ನನ್ನ
ಸತಿಯಾಗಿ .
ಅಕ್ಕರೆಯಿಂದಲೇ
ಸಕ್ಕರೆಯಬಾಳಿನಲಿ
ಬಿಂಬಿಸಿದೆ ನೀ ನನ್ನ
ಪ್ರತಿಬಿಂಬವಾಗಿ.
--
ಸತ್ಯಾತ್ಮ

ನೀನಿಲ್ಲದಿರುವ ಬಾಳು ಕುರುಡು

2009-07-16T01:26:00.001-07:00

ನೀನಿಲ್ಲದಿರುವ ಬಾಳು ಕುರುಡು
ಅವಳಿಲ್ಲದ ಬಾಳು ಬರಡು .

ನೀನು ಬೆಂದ ಒಡಲಿಗೆ ತಂಗಾಳಿ
ಅವಳು ಒಡಲ ಧರಿಸುವ ಜೀವಗಾಳಿ
ನೀ ನನ್ನ ಬಾಳಿನ ಹಸಿರಾಗಿರುವೆ
ಅವಳು ಈ ಒಡಲಿನ ಉಸಿರಾಗಿರುವಳು.

ನಿನ್ನ ಸಹವಾಸ ಬೆಳದಿಂಗಳ ತಂಪಿನಂತೆ
ಅವಳೊಂದಿಗೆ ನಾ ಹುಣ್ಣಿಮೆ ಕಡಲಂತೆ
ನೀನು ಪ್ರೀತಿ ತುಂಬಿ ಭಾರಕ್ಕೆ ಬಾಗುವ ಹಣ್ಣು
ಅವಳು ಪ್ರೀತಿಯನು ಎತ್ತರಕ್ಕೆರಿಸಿ ನಗುವ ಕಾಮನಬಿಲ್ಲು .

ನೀನು ಸುಮ್ಮನೆ ಹರಿದು ಹೋಗುವ ನದಿ
ಅವಳು ಭೋರ್ಘರೆದು ಧುಮುಖುವ ಜಲಪಾತ
ನೀನು ಅಂತ್ಯವಿಲ್ಲದ ಕಡಲು
ಅವಳು ಅಳೆತಗೆ ಸಿಗದ ಆಕಾಶ.

ನನ್ನ ಪ್ರೀತಿಯದು ಬತ್ತಲಾರದ ಜಲ
ಯಾವಗಲೂ ತುಂಬಿ ತುಳುಕುವ ಕೊಳ
ತುಂಬಿಕೊಳ್ಳಿ ರಿಬ್ಬರೂ ನಿಮಗೆ ಸಾಕಾಗುವಷ್ಟು
ಜಿಂಕೆಗಳೆರಡು ಕುಡುಯುವಂತೆ ಸರೋವರದ ನೀರನ್ನ

ಯಾರ ವಿಷಪ್ರಾಷಣವೂ ಬೇಡ
ನನ್ನ ಬತ್ತಲಾರದ ಪ್ರೀತಿಯ ಕೊಳಕ್ಕೆ .
***ಸತ್ಯಾತ್ಮ ***

ಅನವರತ

2009-07-16T00:02:00.001-07:00

ಸಪ್ತ ಸ್ವರದಲಿ
ಸ , ರಿ, ಗ, ಮ, ಪ, ದ, ನಿ.
"ಸ" ನೀನಾದರೆ
"ರಿ" ನಾನಾಗುವೆ
ಸುತ್ತನು ಸುತ್ತುತಾ
ಬರುವೆವು ಒಟ್ಟಿಗೆ
ಬೀಸುತ ಮಧುರ ನಿನಾದವನು.
ತಂಗಾಳಿಯ ವೇಗಕೆ
ಹೂವಿನ ವಾಸನೆ
ಜೊತೆಗೂಡಿ ತೆರೆದಲಿ ನಾವಿಂದು .

ಸಪ್ತ ಸ್ವರದಲಿ
ಸ ರಿ ಗ ಮ ಪ ದ ನಿ
"ಗು" ನೀನಾದರೆ
"ಮ" ನಾನಾಗುವೆನು
ಪ್ರೇಮಿಯ ವಿಹರಕೆ
ಪ್ರೇಯಸಿ ಸಿಕ್ಕರೇ
ಬೆಳದಿಂಗಳ ನಗೆ ಎಲ್ಲಲ್ಲೂ .

ಸಪ್ತ ಸ್ವರದಲಿ
ಸ ರಿ ಗ ಮ ಪ ದ ನಿ
"ಪ" ನೀನಾದರೆ
"ದ" ನಾನಾಗುವೆನು
ಹುಣ್ಣಿಮೆ ಚಂದ್ರನ
ಕರೆಯನು ಕೇಳಿ
ಕಡಲುಕ್ಕುವದೆನ್ದೆಂದು
ಮಧುರ ಭಾವವೇ ಎಲ್ಲಲ್ಲಾ.

ಸಪ್ತ ಸ್ವರದಲಿ
ಸ ರಿ ಗ ಮ ಪ ದ ನಿ
"ಸ " ನೀನಾದರೆ
"ನಿ " ನಾನಾಗುವೆನು
ಜೊತೆ ಜೊತೆಯಲಿ ಕೂಡಿ
ನಲಿಯುವ ಹೀಗೆ ಅನವರತ.

****ಸತ್ಯಾತ್ಮ***

ಸುಂದರ ಸಂಜೆಯ ಸೊಬಗಿನಲಿ

2009-07-15T23:03:00.001-07:00

ಇಂದುಮುಖೀ ,

ಸುಂದರ ಸಂಜೆಯ ಸೊಬಗಿನಲಿ
ಸಾವಿರ ಕನಸು ಕಾನುತಲಿ
ನೆನೆದಿಹೆ ನಿನ್ನನು ಅನವರತ
ನೀನಿಲ್ಲದ ದಿನದಲಿ ಪರಿತಪಿಸುತ.

ಮೋಹದ ನೋಟವ ಬೀರುತಲಿ
ಕಾಮದ ಆಟವ ಆಡುತಲಿ
ನಲಿಯುತ ಕಳೆದ ದಿನಗಳನು
ಆನಂದದಿ ನೆನೆಯುತ ಸ್ಮರಿಸುವೆನು.

ಮರೆತರೂ ಮರೆಯದ ನೆನಪುಗಳ
ಸತ್ತರೂ ಸಾಯದ ಕನಸುಗಳ
ನೆನೆಸುತ ಸಾಗಿಪೆ ದಿನಗಳನು
ಸವೆಸುತ ದೂಡಿದೆ ಜೀವನವನು.